افغان حکومت د فخري زاده په مړینه ایران سره خواخوږي وښوده

خبریال وېب پاڼه/ د افغانستان د بهرنیو چارو وزارت د ایران د اټومي ساینسپوه محسن فخري زاده په مړینه د ایران حکومت او فخري زاده له کورنۍ سره خواخوږي وښوده.

یاد وزارت د محسن فخري زاده پر مړینه خواشیني وښوده او پر نوموړي یې برید وغانده.

اوس مهال د ایران له لوري د فخري زاده په مړینه په سبمه او نړۍ کې له نورو هېوادونو سره ناندرۍ پیل شوي او حکومت یې پړه پر امریکا او اسراٸیلو ور اچوي.

د ایران ولسمشر حسن روحاني د ایران د اټومي ساینسپوه د وژلو په غبرګون ویلي وو، اسراٸیل د ایران د اټومي ساینسپوه محسن فخري زاده د وژلو مسؤول دی.

بل لور بیا ایراني چارواکو ګوتڅنډنه کړې وه، چې د فخري زاده د وژلو بدل به حتماً اخلي.

محسن فخري زاده (جمعه ورځ) د نا معلومو وسله والو له لوري د ایران په تر ټولو خوندي دماوند ښار کې په ډزو ووژل شو.

له دې پېښې وروسته د ایران ولسمشر حسن روحاني، د بهرنیو چارو وزیر او یو شمېر لوړ پوړي چارواکي یې د فخري زاده د ترور ګوته اسراٸیلو ته نیسي.

ایراني رسنۍ وایي، وسله والو لومړی یو موټر ته چاودنه ورکړه او وروسته یې د فخري زاده موټر ته اور ورته کړ. د راپورونو له مخې په دې پېښه کې د فخري زاده ځینې ساتوونکي هم وژل شوي، فخري زاده بیا په روغتون کې د سختو ټپونو له کبله مړ شو.

محسن فخري زاده د ایران د هستوي برنامو پلار بلل کېده او د ایران هستوي فعالیتونه د فخري زاده له لوري مدیریت او پر مخ وړل کېدل.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More