امریکا د ایران د سپاه پاسداران لوړپوړی قوماندان او درې ساتونکي یې وژلي

خبریال وېبپاڼه/ عربي رسنۍ وايي، امریکايي بې پيلوټه الوتکو د ایران د سپاه پاسداران یو لوړ پوړی قوماندان له خپلو دریو ساتونکو سره وژلي دي.

د راپورونو له مخې، پېښه د عراق او سوریې ترمنځ پوله کې رامنځته شوې ده.

عرب رسنیو د دغه قوماندان مسلم شهدان ښودلی، چې په سوریه کې یې د سپاه پاسداران په ماموریت کې مهم رول درلود.

  عراقي چارواکو هم دغه راپورونه تایید کړي، خو وایي په دې نه دي بریالي شوي چې د وژل شویو کسانو هویت ثابت کړي.

دغه پېښه داسې مهال کېږي چې څو ورځې وړاندې د ایران د اټومي انرژۍ رییس په یوه برید کې ووژل شو او له امله یې په سیمه کې ناندرۍ را ولاړې شوې دي.

ایران یې د امریکا او اسراییلو کار بولي خو دغه هېوادونو یې په اړه څه نه دي ویلي.

د روان کال د جنوري په درېيمه نېټه امريکايي الوتکو د ايران د قدس د ځواکونو قوماندان د بغداد هوايي ډګر ته څېرمه بمبار کړ.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More