طالبان دې د افغان حکومت په پلاوي کې خوښه نا خوښه نه لټوي

خبریال وېب پاڼه/ افغان حکومت له طالبانو غواړي، چې بهانې دې نه لټوي او ژر تر ژره دې خپل مذاکراتي پلاوی وټاکي او اعلان دې یې کړي.

په سټراتیژ یکو چارو کې د ولسمشرۍ ماڼۍ ستر سلاکار وحید عمر نن(یکشنبه وري ١٠مه) د یو خبري کنفرانس له لارې، د افغان حکومت له خوا ټاکل شوی پلاوی ټول ګډونه وبللو.

ښاغلي عمر وویل، یاد پلاوی له ډېرو سلا مشورو او غور وروسته ټاکل شوی، د نوموړي په وینا د افغان حکومت له لوري ټاکل شوی مذاکراتي پلاوی مؤثر او د افغانستان د خلکو او ټولو اقشارو په استازیتوب دی.

وحید عمر زیاته کړه، افغان حکومت طالبانو سره د سولې لپاره ور مخکې شوی او اوس دې طالبان هم را مخکې شي، بهانې دې نه لټوي او ژر تر ژره دې د افغان پلاوي سره د سولې د خبرو لپاره خپل پلاوی اعلان کړي.

دا په داسې حال کې ده، چې تېره ورځ د طالبانو له لوري د افغان حکومت ټاکل شوی مذاکراتي پلاوی په دې بهانه رد شو، چې ګواکې ټول ګډونه او دوی ته د منلو نه دی او ویلي یې دي، چې دوی به له دې پلاوي سره د سولې خبرې ونه کړي.

بل لور بیا د ولسمشرۍ ماڼۍ د سټراتیژیکو چارو سلاکار وحید عمر په خبري کنفرانس کې ویلي، چې د طالبانو له لوري هر ډول پلاوي سره د خبرو لپاره چمتو دي، د طالبانو په مذاکراتي پلاوي کې خبرې نه کوي، نو طالبان دې هم د افغان حکومت په ټول ګډونه مذاکراتي پلاوي کې خوښه نا خوښه نه لټوي.

په ورته مهال په ټوله نړۍ کې د کرونا ویروس له چټکې خپرېدنې سره ملګرو ملتونو له ټولو خواوو غوښتي چې اوربند اعلان کړي.

دا راز افغان ولسمشر هم پر طالبانو غږ کړی چې د کرونا ویروس له امله دې هم اوربند اعلان کړي او که چېرې د کرونا ویروس له امله ستره فاجعه رامنځته شوه، نو پړه به یې د طالبانو او د طالب پلوه ملاتړو هېوادونو پر غاړه وي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More