په هيواد کې د کرونا ويروس وروستي حال.

خبريال وېب پاڼه: د عامې روغتیا وزارت، نن پنجشنبه د ليندۍ ٢٠ نيټه چې د روان زیږدیز کال د ډسمبر له ١٠ نيټې سره سمون خوري په هيواد کې د کرونا ويروس ١٤٠١ مشکوکې پيښي آزمايل شوي چې له جملې يې ٢١٣ مثبتي ثبت شوي.

د عامې روغتیا وزارت په وينا، په تيرو ٢٤ ساعتونو کې ١٨ تنو د کرونا ويروس له امله خپل ژوند دلاسه ورکړى او ٧١ نور ترې رغيدلې.

د تازه پيښو سره په هيواد کې د کويډ-١٩ ناروغانو شمير ٤٨ زره او ٧٥٣ ته رسيږي.

په تيره يوه شپه او ورځ کې د تازه پيښو له جملې ٣٤ په کابل، ٣٠ په هرات، ٥ په کندهار، ١٤ په بلخ، ٤ په ننګرهار، ١٠ په پکتيا، ٧ په باميان، ٢٢ په بغلان، ١٦ په پروان، ١ په نيمروز، ١٢ په دايکندي، ١٢ په لوګر، ٨ په هلمند، ٧ په لغمان، ١ په غور، ٨ په کنړ، ٢١ په کاپيسا، او ٢ په زابل ولايتونو کې ثبت شوي.

په هيواد کې د کرونا ويروس څخه د مړو شويو کسانو شمير ١٩٣٩ تنه او هغه چې بيرته ترى رغيدلې شمير يې ٣٨ زره او ٢٢١ تنو ته رسيږي.

بيا په ټوله نړۍ کې پر کرونا ويروس د اخته کسانو شمير تر ٦٨ ميليونو او ٩٥٦ تنو ته رسيږى چې له جملي يې يو ميليون او ٥٧٠ زرو خپل ژوند دلاسه ورکړي