fbpx

طالبانو د دیني غوندې کډونکو ته دممانعت امرکړی  

وسله والو طالبانو دهغې علمي مذهبي غونډې مخالفت کړی چې دافغانستان اوپاکستان د دواړو هیوادنو دیني عالمان به په کې ګډون اوپرېکړه کوي.

تمه ده چې د دواړو هیوادنو ترمنځ به ددیني عالمان لخوا یوه غونډه کیږي ترڅو د دواړو هیوادونو روان سیاسي بهران او دبهرنیانوپه اړه غوڅ برخلیک په کې یاد شوی دی،خوطالبانو یې له وړاندې لا مخالفت کړی چې ګواکې داغونډه دبهرنیانو دشتون په مخه اودهغوی دګټولپآره ترسره کیږي ،طالبانو له دیني عالمان د ورتګ ممانعت کړی دی.

په همدې اړه پاکستانۍ ورځپاڼې ډیلي ټایمز په خپله وروستۍ ګڼه کې لیکلي چې افغان طالبانو یو شمېر پاکستانيو دیني عالمانو ته لیکونه استولي او له هغوی یې غوښتي چې د افغانستان او پاکستان راتلونکې ګډه غونډه کې برخه وانخلي.
ورځپاڼه لیکي د طالبانو په دې لیک کې ویل شوي که امریکایان په افغانستان کې پاتې شي نو پاکستان، هند، منځنۍ اسیا او عربي هېوادونو ته به ستونزې زیاتې کړي.

د دواړو هېوادونو د دیني عالمانو ګډه غونډه د افغان حکومت یوه بنسټیزه غوښتنه ده چې ویل کېږي کابل ته د پاکستان د بهرنیو چارو د وزیر شاه محمود قریشي د سفر پرمهال پرې هوکړه شوې ده او په پام کې ده چې اسلام اباد به یې کوربه وي.

خوپه دې اړه وسله والو طالبانو په رسمي ډول کومې منبع ته څه نه دی ویلي .

تردې وړاندې په عربي نړۍ کې داسلامي هیوادونود دیني علمانو غونډه هم وسله والوطالبانو وغندله اوهغه یې دسعودي په توسط دامریکا په ګټه وبلله ،ګډون کونکي یې مغلوب مذهبي اسیران وګڼل.

په سعودي داسلامي هیوادونو دیني غونډې دطالبانو مقاومت غیرشرعي او اسلامي وګڼلو اودهغوی جګړه ناسمه وبلله چې ،خوپه ورته وخت کې دپاکستان په بلوچستان کې دطالبانو په پلوي یوه ستردیني غونډې را وبلل شوه ((چې مشري یې امین جان اغا اومفتي محمود کوله دسعودي غونډه وغندله اوهغه یې دمسلمه امت په ټنډه تورداغ وګڼلو چې دبهرني ځواکونو په  وړاندې مبارزه که کولای نه شي دهغوی روان مقاومت چې جهاد  دی باید ورته کورنۍ جګړه ونه شي ))،خوهغوی یاده مذهبي غونډه لاسپوځې اوغربي پاله وبلله .

ګومان کیږي دې ځلې هم وسله وال طالبان ورته غبرګون وښيي اود ددیني عالمانو غونډه وغندي اوهغوی ته پیغورونه ورکړي.

منیب .