کرونا؛ روغتیا وزارت وايي، هېوادوال دې له بهرنیو سفرونو ډډه وکړي

خبریال وېبپاڼه/ روغتیا وزارت وايي، د کرونا وبا دویمه څپه خطرناکه ده او هېوادوالو دې د دغه ویروس د لا خپرېدو د مخنیوي لپاره له هېواده بهر سفرونو څخه ډډه وکړي.

یاد وزارت په یوه خبرپاڼه کاږي، چې  ګاونډیو هېوادونو په ځانګړې توګه پاکستان کې د کرونا وبا دویمه څپه په چټکۍ د خپرېدو په حال کې ده او هېوادوال باید دغه هېواد ته له تګ راتګه په کلکه ډډه وکړي.

 د خبرپاڼې له مخې، د هېواد لابراتوارونه نور د مسافرینو د کرونا ټیسټونو د تشخیص ظرفیت نه لري نو په همدې موخه دولتي لابراتورونو ته مراجعه وکړي.

بل خوا دغه وزارت ویلي، چې په تېرو ۲۴ ساعتونو کې په هېواد کې د کرونا وبا ۲۷۱ نورې مثبتې پېښې ثبت شوې دي، له دې سره پر یادې ناروغۍ د اخته کسانو شمېر ۵۱ زره او ۳۶۰ ته رسېدلی دی.

د یاد وزارت په خبره، په همدې موده کې پر کرونا اخته ۲۱ تنه مړه شوي او ۱۳۶ نور بیا بېرته روغ شوي دي.

 د روغتیا وزارت د وروستیو معلوماتو  له مخې تر اوسه په هېواد کې له کرونا وبا د مړه شویو کسانو ټول شمېر دوه زره او ۱۲۶ته او بېرته رغېدلیو هغه بیا ۳۹ زره او ۹۲۰ ته لوړ شوی دی.

 د یادونې ده چې تر اوسه د کرونا وبا نهه زره او ۲۰۰ مثبتې پېښې فعالې دي، چې روغتیايي مسوولین یې اندېښمن کړي دي.

ولسمشر غني څه موده وړاندې ویلي و چې روغتیايي د کرونا ناروغۍ د دوهمې څپې د کنټرول ظرفیت نه لري او په دې برخه کې لا زیات کار ته اړتیا ده.

سربېره پر دې چې د کرون وبا سره د مبارزې په برخه کې میلیونونه افغانۍ ولګول شوې، مګر د یو شمېر چارواکو د میلیوني فساد له امله روغتیايي مرکزونه په ټپه ولاړ دي.

تازه نړۍوال بانک افغانستان سره د کرونا وبا د مخنیوي په موخه ۲۰۰ میلیونه افغانۍ نوره مرسته کړې چې د حیف و میل کېدو په اړه یې اندېښنې موجودې دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum