هند کشمير کې بيا پاکستاني پوځيان هلاک کړي

هند کشمير کې بيا پاکستاني پوځيان هلاک کړي 

خبريال وېبپاڼه/ د پاکستان او هند ترمنځ په کشمیر کې د کنټرول د کرښې سره نېږدې نښته رامنځته شوې ده، هندي او پاکستاني پوځيانو يو په بل ډزې کړې دي، د هندي پوځيانو د تلفاتو په هکله کوم معلومات شتون نلري خو پاکستاني چارواکو منلې ده چې په دې ډزو کې ددوی يو پوځي هلاک شوی دی او يو ټپي دی‌.

د پاکستان او هند ترمنځ په کشمیر کې شخړې او يو پر بل ډزې په زياتېدو دي، څه موده وړاندې د هند پوځ هغه پاکستاني ترهګر له منځه یوړل چې د هند برخې کشمیر ته د چاودېدونکو موادو سره دننه شوي و او په‌ دې هېواد کې یې د ترهګريزو بريدونو نيت درلود.

د پاکستان د بهرنیو چارو وزیر څو اونۍ وړاندې وويل چې د هند پوځ په پاکستان کې د پوځي عملياتو نیت لري، د پاکستان د بهرنيو چارو وزير شاه محمود قريشي په نړيوالو غږ کړی و چې هند په دوی د حملې نیت لري، قريشي په داسې حال کې خپل فرياد تر نړيوالو رسوي چې هند د پاکستان له لوري د ورلېږل شويو ترهګرو څخه نور تنګ راغلی دی.

د هند‌ صدراعظم نرېندرا مودي په خپلو وروستیو څرګندونو کې وويل چې هند د جګړې پلوی ننه دی خو اوس ددې توان لري چې د ګواښ او خطر په صورت کې ان د دښمن هېواد دننه عمليات وکړي او خپل بدل واخلي او تروریستان پخپله سزا ورسوي.

هند يوازينی هېواد نه دی چې د هغه تروريستي ډلو څخه کړېږي او پوزې ته ترې راغلی دی، د پاکستان له لوري حمایت کېدونکو تروریستی ډلو چې د جهاد تر نامه لاندې د پاکستان د استخباراتي کړيو پروژې په مخ وړي په ټوله سيمه کې ناکراري رامنځته کړې ده.

په افغانستان کې هم د پاکستان د ملاتړ څخه برخمنې تروريستي ډلې د جهاد تر نامه لاندې چادونې کوی، حملې کوي او هره ورځ په لسګونه بې ګناه افغانان په شهادت رسوي.

پکار ده د پاکستان ددې پاليسۍ په وړاندې چې تروريستي ډلې د خپلو موخو لپاره کاروي سيمه ايز هېوادونه سره يو ځاي شي او پاکستان ته مناسب درس او سبق ورکړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More