fbpx

ولس:هیوادکې ړندوبمباریو پراخه ولسي مرګ ژوبله رامنځ ته کړې

دکندهاریوشمیرملکي مشرانو افغان دولت ته جدي ګواښ کړی چې دنورهیوادپه ګډون ګڼ ولسي خلک دړندوبمباریو ښکارشوي دي.

سرچینې وايي چې ځايي مشرانو دامریکا اوافغان دولت روان عملیات په کلکه غندلي اوویلي چې بهرنیان ولسونه ډاروي ځکه په ودنو اوعامه ځایو اوکلیو بمباردونه کوي .

په همدې اړه  له کندهار څخه ورکړل شوي راپورونه وایي، چې د معروف ولسوالۍ اړوند د خوګیاڼو په شارخیلو سیمه کې امریکایي ځواکونو د د واده د “ورا“پر موټرو هوایی برید کړی او ګڼو ملکیانو ته یې مرګ ژوبله اړولې.
د کندهار د امنیې قوماندان جنرال رازق  وایي، برید بهرنیانو نه دی کړی او د افغان ځواکونو د چورلکو له خوا تر سره شوی دی.
د ده په وینا، په دې برید کې د ملکیانو تر څنګ وسلوالو طالبانو ته هم مرګ ژوبله اوښــتې .
خو سیمیز خلک وایی چې د پیښې پر مهال په سیمه کې هیڅ وسلوال مخالف وجود نه درلود او یواځې د ملکي خلکو د ورا موټر چې ناوې یې راوړه په نښه شوي.
ځایي سرچینې وایي؛ د هوایی بریدونو په ترڅ کې لومړی دوه موټر په نښه او له منځه وړل شوي، وروسته جیټ الوتکو په سیمه کې سخته بمباري کړې او ګڼ زیانونه یې اړولي.
وروستی معلومات ښیي چې په دې بمبارۍ۴ څلور میرمنې شهیدانې شوې او ۱۱ تنه ښځي اوماشومان ټپیان شوي دي.

ملکي مشران وايي چې دالومړۍ تیروتنه نه ده ،تردې وړاندې په لوګر،میدان،خوست ،پکتیا،کندوز،فراه اوځینو نورو ولایتونوکې هم دشپني عملیاتو اوړندوبمباریوله امله ګڼ ولسي وګړي وژل شوي چې ډیری یې ماشومان اومیرمنې یادې شوې دي.