پاکستان کې افغان طالبانو د جمهوریت پرضد جهاد اعلان کړ

خبریال وېبپاڼه – وروسته له هغه چې له قطر نه پاکستان ته د طالبانو لوړرتبه پلاوي سفر وکړ؛‌د طالبانو استخباراتو په یوه خوله پر ټولو وسله والو طالبانو غږ وکړ چې په افغانستان کې د جمهوریت (ولسواکي) پر ضد جهاد ته دوام ورکړي‌او د دولسواکي څلی ونړوي.

د طالبانو استخباراتي ‌چارواکي وايي چې په افغانستان کې باید اساسي‌ قانون او اوسنی جمهوریت ړنګ او پرځای یې د طالبانو( اسلامي امارت) جوړ شي.

طالب مشران اوس د بل هر وخت په انډول په پراخ او آزاده توګه د پآکستان په جمهوري‌نظام کې د افغانستان د جمهوري نظام د ړنګولو هڅه؛ تبلیغ او جلسې کوي. ‌

طالبانو د جنوبي پښتونخوا په سر ښار او شا وخوا ضلعو کې غونډې ګړندۍ کړې دي او هم دا راز د غونډو دا سلسله تر کراچي؛ خیبر پښتونخوا او ډیره اسماعیل خان پوري رسېدلې ده.‌

د طالبانو د مرکزي استخباراتو یو لوړرتبه چارواکی قاري عبدلغفور په خپله وروستۍ وینا چې د بلوچستان سرښار کوټې ته څېرمه یې کوله وسله وال طالبان وهڅول چې جګړه لا

نوره شدیده کړي.

په پاکستان کې ورته غونډې د پاکستاني‌استخباراتو آی ایس آی تر سیوري‌لاندي کېږي‌او د پاکستان د استخباراتي‌چارواکو سره سره په ژبه تیز طالبان د جلب او جزب لپاره ګړندي‌روان دي.

د طالبانو د جلب او جزب مشرتابه ته د امیرخان متقي‌له ورتګ سره هم مهاله نوموړي په قطر کې د خپل یوه بل ملګري‌ ملا کبیر نه هم د جلب او جزب په برخه کې مرسته وغوښته او اوس ددوی سره سره د طالبانو ګڼ مشران په دې بوخت دي چې طالب وسله وال پّ افغانستان کې جګړې ته وهڅوي.

په افغانستان کې د چارو شنونکي ‌وايي چې افغان حکومت دې له دښمن هیواد پاکستان نه نړۍ والې ټولنې ته شکایت وکړي‌او د طالبانو ددې ښکاره ملګرتیا نه دې پر شا کړي .‌

تر دې وړاندي‌د طالبانو د قطر د دفتر د مذاکراتي ټیم مشر ملا برادر په کراچي‌ کې طالبانو ته په یوه وینا کې ومنل چې ټول طالب مشران په پاکستان کې دي‌او د دوی علاج او درملنه په پاکستان کې کېږي.

طالب مشران چې پاکستان خپل کور ګڼي‌اوس د پآکستان په دیموکرات نظام کې د افغانستان د دیموکرات نظام د ړنګولو هڅه کوي.

د حالاتو څارونکي افغان حکومت ته مشوره ورکوي چې د محافظه کارۍ څخه لاس واخلي او بايد اوس په زغرده نړيوالو ته په ټولو معتبرو نړيوالو سټېجونو کې د پاکستان او طالبانو ناروا نیت ښکاره کړي، د موجودو موادو سره یې ثبتونه وړاندې کړي او د پاکستان او طالبانو په وړاندې ټوله نړۍ جدي اقداماتو ته راوبولي.

پوهان په دې اند دي چې افغان حکومت نشي کولی د پاکستان سره په همکاريو د حل يو معقوله لار پيدا کړي، پاکستان د يوې خوا تش په خبرو د افغان حکومت څخه امتیازات اخلي او د بلې خوا یې اوس د طالبانو ملاتړ او ددوی سره هر ډول همکاري علني کړې ده.

که افغان حکومت په دې وتوانېږي چې په ډېر فوق العاده او لوړه کچه او ډول د نړیوالو سره د پاکستان او طالبانو ناروا اړيکې او پلان شريک کړي نو بدون له شکه چې نړيوال به مجبور شي چې په پاکستان واقعي فشار وارد کړي او همدارنګه به نور هېوادونه د طالبانو سره د خپلو اړيکو د جوړلو پروسه ودروي.

پاکستان ایسارکړي طالب مشران خوشي او قطر ته ورسېدل

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More