اترا ملت ته د یو کال حساب ورکړ؛ تاسې یې له خدماتو راضي یاست؟

خبریال وېب پاڼه/ د مخابراتي خدماتو د تنظیم ادارې یا اترا مشرتابه نن ملت ته د حساب ورکونې په لړۍ کې د یو کال راپور ورکړ.

ملت د اترا له خدماتو راضي نه دی او نن د اترا ادارې رٸیس عمر منصور انصاري هم د حساب ورکونې پخ غونډه کې اعتراف وکړ چې دوی هم د مخابراتي شرکتونو د خدماتو له کیفیت راضي نه دي خو وایي د خدماتو د نا سمو وړاندې کولو له کبله جریمه شوي شرکتونه به هم د روان کال په جریان کې اعلانوي.

انصاري زیاته کړې چې ټول مخابراتي شرکتونه یې مکلف کړي چې د فایبر غځونې ته کار ووایي او راتلونکی کال په دې برخه کې جدي کار وکړي څو چې د فایبر شبکه پراخه نه شي د کیفیت ستونزه به پر ځای پرته وي.

د اترا ادارې مسؤولینو د حساب ورکونې غونډه کې یادونه وکړه چې اوس مهال یې د شبکې په تخنیکي اذزونې کار شروع کړی او دا به داسې ډیزاین کړي چې د یوې پېړۍ ځواب ووایي.

اترا ادارې دا راز راتلونکی کال لپاره د خدماتو د کیفیت د لوړولو، خدماتو پراختیا، متوازنو خدماتو او ټکنالوژۍ لوړوالي په موخه له مخابراتي شرکتونو پلانونه غوښتي او په دې تړاو ورسره اوونیزې ناستې پیل شوي.

اترا اداره داسې مهال د خپلو خدماتو او کارونو په اړه ولس ته د حساب ورکونې لپاره سر را پورته کوي چې لا هم د دوی له کارونو ملت راضي نه برېښي خو د مخابراتو په برخه کې یې وروستۍ هلې ځلې او کارونه د پام وړ بلل شوي.

خلک په اترا د دې لپاره نیوکه لري چې د مخابراتي شرکتونو خدمات او د خدماتو بیې خورا لوړې دي چې دوی یې نه شي اداء کولی خو اترا ادارې تر اوسه په دې برخه کې اساسي کار نه دی کړی.

د مخابراتي خدمتونو د تنظیم ادارې د تېرو کلونو په پرتله اوس کارونه او خدمات زیات شوي، تېرو کلونو کې به د مخابراتي خدماتو په برخه کې د ستونزو پر مهال خلکو دا اصطلاح زیاته مشهوره کړې وه چې اترا چېرې ده یا اترا کجاست خو د اترا ادارې د وروستیو بدلونونو او کارونو سره د اصطلاح هم کمه شوې او خلک یې په کارونو څه نا څه قانع شوي دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More