د مورنۍ ژبي نړيواله ورځ او د کرښي ها خوا پښتانه

خبريال ويب پاڼه/ د فبروري 21 په ټوله نړۍ کې د مورنۍ ژبي د نړيوالې ورځ په توګه ځکه لمانځل کيږي ځکه دا ورځ په ټوله نړۍ کې په شاندارو مراسمو لمانځل کيږي چې حکومتونه او خلک د مورنۍ ژبي په ارزښت او اهميت باندي وپوهول شي.
ځکه چې په يوه ژبه کې د يوه ملت پوهه، علميت او فکري اثار پراته وي خدای مه کړه که کومه ژبه له پامه غورځول کيږي نو د يوه بسته ملت فکر ، پوه او علميت له منځه.
نو ځکه يونسکو (د نړيوال ميراثونو خونديتابه اداري) د فبروري 21 مه په ټوله نړۍ کې د مورنيو ژبو نړيواله ورځ ونوموله.

خو اوس خبره دا ده چې په افغانستان او د کرښې هغې غاړي پښتنو سيمو کې د پښتو ژبي څه حال دی? ايا پښتو لا هم د کور او جومات ژبه ده? که يې پرمختګ کړی د علم او ادب ژبه ترې جوړه شوي ده.

د کرښي هغه غاړه جنوبي پښتوانخوا : دلته د نړۍ د نورو هیوادونو په څیر هر کال د مورنۍ ژبې نړیواله ورځ لمانځل کيږي ، خو لا هم د په جنوبي پښتوانخوا کې ملیونونه پښتانه ماشومان د مورني ژبو له زده کړې بې برخې دي او هر کال د پاکستان په ټولو صوبو کې لاریونونه او سیمینارونه تر سره کیږي چې بايد پاکستانی رياست هر قوم ته په خپله ژبه د زده کړو کولو حق او زمينه برابره کړي.
په کوټه کې د پښتو ادب ښوونکی او لیکوال میر حسن اتل وايي ، هغه قومونه چې په مورنۍ ژبه یې لیک او لوست کوي د ژوند په هر اړخ کې یی پرمختګ کړی ، د ښاغلي مير په وينا هغه که سیاسي ، اقتصادي یا ټولنیزه برخه وي.

ښاغلی مير حسن اتل وايې ((“د پرمختګ او شالید اصلي لامل دا دی چې دې هیوادونو ته په خپله ژبه د زده کړې فرصت ورکړل شوی.
ځکه هغه قومونه ټوله ورځ په خپل ښه مدنيت مصروفه دي.”

په 2014 کال کې ، پښتون ملتپال ګوند ، پښتونخوا ملي عوامي ګوند او بلوڅ ملي عوامي ګوند په ګډه په پښتو ، بلوڅي ، بروهي ، فارسي ، سندهي ، پنجابي او نورو ژبو د لومړي ټولګي څخه تر اووم ټولګي پورې په بلوچستان کې د مضامینو په توګه معرفي کړل او په دولتي ښوونځیو کې شامل او د دې لپاره د استازو مجلس یو قانون هم تصویب کړ.

د لومړي ټولګي څخه تر دریم ټولګي پورې ، د مورنۍ ژبې کتاب هم خپور شوی و ، مګر دا په ښوونځیو کې زده کونکو ته نه ور ښودل کيږي. زده کونکي لاهم هیله لري چې د دوی مورنۍ ژبه دوی ته د مضمون په توګه ورکړل شي. مګر داسې نه کیږي.

بل خوا په خيبر پښتوانخوا کې هم پښتو ژبه يوازي د حجري او جومات ژبه ده په پښتو ژبه ليک او لوست نا کيږي دغه ژبه له عملي پرمختګ څخه لويدلي ده .

بايد وويل شي چې په نړۍ تل استعماري ځواکونه هڅه کوي تر څو په يوه ټولنه کې تر ډيره خپل واک وغزوي د هغې ټولني ژبه او فرهنګ له منځه وړي.

که لوستي پښتانه د ژبي بډاينې او علميتابه ته کارونه کړي خدای مه کړه دا شته او تاريخ او فرهنګ به يې محوه شي. پښتو ژبه به هم د نړۍ د هغو مړو ژبو په کتار کې راشي چې يو وخت يې ميليونونه ويونکي درلودل خو اوس يې څوک نوم نه اخلي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More