د کرکټ ترټولو ستر لوبغالی چيرته شتون لري؟

خبريال وېبپاڼه: په نړۍ کې د کرکټ ترټولو لوې او پراخ لوبغالی د هند په ګجرات کې پرانيستل شو.

دا نړيوال کرکټ لوبغالی د هند د لومړي وزير نريندر مودي په نوم نومول شوی دی.

د نريندر مودي نړيوال کرکټ لوبغالي د ۱۱۰ زره ليدونکو د ځايولو ظرفيت لري.

تردې مخکې د اسټراليا په ملبورن ښار کې د نړۍ ستر کرکټ لوبغالی چې د ۱۰۰ زرو ليدونکو د ځايولو ظرفيت يې درلود موجود وه.

د دغه نړيوال کرکټ لوبغالي د جوړولو چاري په ۲۰۱۵ز کال کې پيل شوي او ۱۱۰ ميليون امريکايي ډالر لګښت پرې راغلی دی.

د هند او بريټانيا ترمنځ د ټيسټ لوبو لړۍ درېيمه لوبه به په همدغه لوبغالی کې ترسره شي.

د نريندر مودي نړيوال کرکټ لوبغالی چې د هند د ګجرات په احمداباد ښار کې شتون لري د جوړيدو چاري يې د ګجرات کرکټ موسسي لخوا ترسره شوي.

د نريندر مودي نړيوال کرکټ لوبغالی نقشه په ۱۹۸۳ز کال کې جوړه شوی وه لومړنۍ رغنيزي چاري يې په ۲۰۰۶ز کال کې بشپړي شوي.

خو، د هند کرکټ بورډ غوښتل چې دې لوبغالي ته پراخوالی ورکړي او يوځل بيا يې د پراخوالی لپاره په ۲۰۱۵ز کار پيل شو، او د ۲۰۲۰ز کال د فبروری په شلمه نيټه يې د جوړيدو چاري بشپړي شوي.

په۲۰۲۰ کال کې په ټوله نړۍ کې کرونا وبا راغله چې د امريکا وروسته يې هند هم ډير اغيزمن کړو له همدې کبله د جوړيدو وروسته پکې کومه لوبه ترسره نه شوه.

اوس ويل کيږي چې د هند او بريټانيا ترمنځ د ټيسټ لوبو لړۍ درېيمه لوبه به په همدغه لوبغالی کې ترسره شي.

د هند وګړي چې په نړيواله کچه د کرکټ لوبي سخت مينوال دي او د کرکټ هرې لوبي لپاره د کرکټ لوبغالو ته په زرګونه ليدونکي ځي نو په هند کې د دا ډول نورو لوېو لوبغالو  جوړول لازمې دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More