هند له افغانستان سره ۵۰ زره ټنه غنم مرسته کوي

خبریال وېب پاڼه/د یو شمېر هندي رسنیو په حواله ټاکل شوې ده چې هند په نیږدې راتلونکي کې افغانستان ته زرګونه ټنه غنم صادر کړي.

د دغې رسنیو د معلوماتو له مخې ټاکل شوې ده هند افغانستان ته شاوخوا ۵۰ زره ټنه غنم صادر کړي. په ورته وخت د هند د کرنې او مالدارۍ وزیر په یوه ټویټ کې ویلي چې افغانستان او لبنان ته به د ډیپلوماتیکو اړیکو پر بنسټ غنم واستوي.

دا په داسې حال کې ده د کرونا وبا په خپرېدو سره له نړۍ سربېره افغانستان هم له اقتصادي اړخه په ملیونونه ډالره زیان ولید چې دې حالت په بازار باندې هم ژور اغېز وشینده. د هېواد د اقتصاد وزارت د وروستیو معلوماتو له مخې د خوراکي او لومړنیو ارتزاقي توکو په بیو کې تر اوسه ۲۰ سلنه لوړووالی راغلی چې دې حالت د خلکو ژوند د بېوزلۍ او فقر په لور بېولی دی.

تېره اونیو کې له عربي متحده اماراتو، چین او ازبکستان څخه هم افغانستان ته مرستې راغلې وې دغې هېوادونو له افغانستان سره د کرونا ویروس پر وړاندې مبارزه او نورو بشردوستانه مرستو پر دوام ټینګار کړی ؤ. د ازبکستان له مرستې را رسېدو سره سم په کابل کې د دغه هېواد سفیر ویلي وو چې هېواد به یې له افغانستان سره خپلو بشر دوستانه مرستو ته دوام ورکوي.

موده مخکې د هند لومړي وزیر نرېندرا مودي هم د کرونا پر وړاندې د آسیاسي هېوادونو پر همغږۍ او د فقر په له منځه وړلو ټینګار کړی ؤ.

په ورته وخت کې د بهرنیو چارو سرپرست وزیر محمد حنیف اتمر په خپل تازه بیان کې ویلي چې له چین څخه یې د تازه روغتیایي توکو د پېرلو او را واردولو په پار له دغه هېواد سره خبرې کړې دي. په دې توکو کې به د کرونا ضد طبي او حفاطتي وسایلو سربېره د دغې ناروغۍ د تشخیص الې هم وي. نوموړي په چین کې د افغانستان سفیر ته لارښوونه کړې چې د له دغې هېواد څخه د یادو شویو توکو په اخیستلو او را واردولو کې لاس په کار شي.

کرونا اوس مهال د ټولې نړۍ لپاره په لوی لوی سرخوږي اوښتې ده او ټولې چارې یې درولې دي. تېره ورځ د روغتیا نړیوال سازمان له نړیوالو وغوښتل چې په خپلو هېوادونو کې دې د کرونا پر وړاندې محدودیتونه نور هم وغځوي.

په افغانستان کې د کرونا ۳۴ نورې مثبتې پېښې هم ثبت شوې دي چې دې سره د کرونا مجموعي پېښې ۵۵۵ ته لوړې شوې.

د هند د کرنې وزیر په خپل پیغام کې وایي چې د مرستو په لړ کې به افغانستان ته ۵۰ زره ټنه غنم لېږي. په ورته وخت د افغانستان د بهرنیو چارو وزارت هم دغې غنمو د چټک لېږد او د ترانزیټ د آسانتیاوو لپاره لاس په کار شوي دي او د هند، ایران او افغانستان سفیرانو ته یې ویلي چې په چابهار بندر کې د دغې مرستو د واردولو لپاره خپل دین او همکاري ادا کړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum