هغه ۴ لوبغاړي چې په انسټاګرام ډير مينوال لري!

خبريال وېبپاڼه: انسټاګرام چې د ټولنيزو شبکو يو ډير مهم ډول دی، او نن سبا ډير استعمالوونکي لري.

د نړۍ مشهوره څېري د ټولنيزو شبکو له لارې خپلو مينوالو سره په اړيکه کې پاتي کيږي، او د خپل ژوند خوږې او وياړلي شيبي له خپلو مينوالو سره شريکوي.

په ټولنيزو شبکو کې انسټاګرام بيا هغه اپليکشن دی چې فلمې، کرکټ، فوټبال، واليبال، او نور لوبغاړي يې د غوره کيفيت له کبله ډير کاروي.

راځئ په دې ليکنه کې د سپورټ د نړۍ هغه ۴ لوبغاړي وپيژنئ چې په انسټاګرام ترټولو ډير مينوال لري.

۱: کريسټيانو رونالډو، کريسټيانو رونالډو چې د فوټبال يو مشهور لوبغاړی دی په انسټاګرام کې هغه سپورټ لوبغاړی دی چې تر نورو لوبغاړو ډير مينوال لري.

کريسټيانو رونالډو د اروپايي هيواد پرتګال څخه دی چې په انسټاګرام ۲۶۶ ميليون مينوال لري.

۲: ليونل ميسی، ليونل ميسی چې د ارجنټاين هيواد څخه دی او د فوټبال يو مشهوره څيره ده هم په انسټاګرام کې ډير مينوال لري.

ليونل ميسی د کريسټيانو رونالډو وروسته دوهم هغه سپورټ لوبغاړی دی چې په انسټاګرام ډير ۱۸۷ ميليون مينوال لري.

۳: نېئامار جونېئر، د برازيل هيواد اوسيدونکی او د فوټبال يو پياوړی لوبغاړی دی چې په انسټاګرام ښه مينوال لري.

نېئامار جونېئر د ميسی او رونالډو وروسته هغه لوبغاړی دی چې په انسټاګرام ډير ۱۴۷ ميليون مينوال لري.

۴: په انسټاګرام څلورم هغه لوبغاړی چې ډير مينوال لري د کرکټ له نړۍ څخه دی او تاسو ټول يې د نوم سره ډير اشنا ياست.

په انسټاګرام څلورم هغه لوبغاړی چې ډير مينوال لري، ويراټ کوهلي دی.

ويراټ کوهلي د هندوستان کرکټ ملي لوبډلي يو پياوړی توپ وهونکی دی، او په انسټاګرام ۱۰۰ ميليون ډير مينوال لري.

له دې معلوميږي چې فوټبال د کرکټ په نسبت په نړۍ کې ډير مينوال لري نو، ځکه هم په انسټاګرام هم د کرکټ لوبغاړو په نسبت د فوټبال لوبغاړي ډير مينوال لري.

د يادولو وړ ده چې د افغانستان کرکټ ملي لوبډلي لوبغاړي راشد خان هم په انسټاګرام ښه مينوال لري.

راشد خان په انسټاګرام د نورو افغان لوبغاړو په نسبت ښه ۱،۵ ميليون مينوال لري.

او د راشد خان وروسته بيا محمد نبي عيسی خيل هغه افغان لوبغاړی دی چې په انسټاګرام هم ښه مينوال لري.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More