د امريکا د بهرنيو چارو وزير د خپل هېواد ترټولو لوی مشکل اعلان کړ

خبريال وېبپاڼه- د امريکا د بهرنیو چارو وزیر نن په ښکاره ددې هېواد د ترټولو لویې ستونزې نوم واخيست او ويې ويل چې د امريکا لپاره ترټولو لوي مشکل چين دی، انتوني بلينکن وويل چې امريکا به د چین په وړاندې د يوه سيال او دښمن غوندې رويه وکړي.

د امريکا د بهرنيو چارو وزير دا خبرې د خپلې بهرنۍ پالیسۍ په اړه د توضیحاتو د ورکولو په مهال وکړې، ده همداراز روسیه هم د خپل رقيب په صفت ياده کړه خو وې ویل چې په اوس وخت کې ترټولو لوی رقيب چين دی‌.

د امريکا د بهرنيو چارو د وزير په خبره چې چين کولي شي د نړۍ اوسني نظم ته زيان ورسوي او ددې مخنیوی بايد وشي.

د امریکا او چین ترمنځ رقابت په زياتېدو دی دواړه هېوادونه نور په ښکاره يو د بل د ماتولو خبرې کوي او يو بل د نړۍ په وړاندې د یو ګواښ په توګه مني.

په داسې حال کې چی د امريکا نوي حکومت د نړۍ په هکله د نړۍ سره د هېوادونو د اړيکو په هکله د پخواني ولسمشر تقريباً ټولې پرېکړې لغوه کړی خو د چين په وړاندې یې بيا د ډونالډ ټرمپ دريځونه ومنل او بدل‌ يې نکړل.

په نړيوال سټېج کې د امريکا پخواني ولسمشر ډونالډ ټرمپ ددې هېواد اصلي څېره نړيوالو ته وروښوده اوس تازه جوبایډن هڅه کوي‌ دا وران شوي شيان سم کړي.

شننونکي وايي چې د امريکا او چين رقابت به بيا ددې سبب شي چې ځینې هېوادونه د رقابتونو ميدان وګرځي او دواړه د يو بل په وړاندې د هر ډول امکان څخه استفاده وکړي.

پوهان وايي چې امريکا همدا اوس د چين تاريخي پوروړی ده او چین اوس په نورو هېوادونو کې هم خپل اغېز په زياتولو بوخت دی، د امريکا نوي ولسمشر جوبایډن تېره اونۍ وويل که د چين په وړاندې سم اقدامات ونکړي نو هرڅه به ډېر ناوخته شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More