حکمتیار: سبا لاریونونه کوو

خبریال ویبپاڼه/ ګل بدین حکمتیار په خپلو تازه څرګندونو کې ویلي سبا به په ټول کابل کې لاریونونه کوي او مسافرو ته یې خبر ورکړ چې سبا کابل ته د څلورو دروازو څخه خبر نه سي، د ده په خبره د لاریونونو په پاي کې خپل پریکړه لیک لولي او دولت ته لس ورځې وخت ورکوي او کچیري عمل پرې و نه سي نو پراخ لاریونونه به وکړي

په افغانستان کې د اسلامي حزب مشر ګل بدین حکمتیا په خپلو تازه څرګندونو کې ویلي چې د اوسني حکومت پرځای باید یو ټولشموله موقت حکومت رامنځ ته سي ترڅو روانې جګړې ته د پای ټکی کښېږدي.

حکمتیا ویلي چې د طالبانو او امریکا ترمنځ د ترسوې هوکړې له مخې باید ټول بهرنیان له افغانستانه ووزي او په افغانستان کې داسې یو حکومت رامنځ ته سي ټولو لورو ته د متلو وړ وي.

هغه بیا هم ټینګار وکړ چې لاریونونو لپاره یې چمتوالی نیولی او په دې هکله يې له زرګونو کسانو سره خبرې کړې دي نوموړي د سولې اوسنۍ پروسه ناکامه وبلله او زیاته يې کړه چې سبا به لاریون ولري.

ګل بدین حکمتیا شل کاله وړاندې د بن کنفرانس د روانو جګړو بنیاد کښېښود نو ځکه له همدې امله یوځل بیا داسې څه تکرار نسي چې پریکړه يې د بن کنفرانس غوندي وي.

ګل بدین حکمتیار تر دې وړاندې یو ځل ارګ محاصره کاوه چې وروسته بیا له خپلې پریکړي تیر او ځان يې د  کابل څلورو دروازو ته ورساوه.

سبا د لاریون تاوان چاته رسیږي؟

کچیري سبا د ګل بدین حکمتیا له لوري په کابل یاهم د کابل په دروازو کې لاریون ترسره کیږي نو لوی زیان چې ده په خپله اعتراف وکړ، چې مسافر دي سفر نکوي عامو خلکو ته رسیږي د هغوی ناروغان اونورې  چارې په ټپه دریږي که څه هم ګل بدین حکمتیار د خلکو هوسا کیدلو په دعوه یاد لاریونونه کوي خو لومړی  او مستقیم تاوان يې عامو خلکو ته رسیږي.

تراوسه پوري دولت د سبا لاریونونو په هکله څه نه دي ویلي، خو  د معمول سره سم به یوځل سیا بیا په کابل کې لارې بندي وحشت خپور او ترټولو بیوزله خلک له زیاتو ستونزو سره مخ وي