عبدالسلام ضعیف په دوحه کې د پرمختګونو څخه خبر ورکړ

خبريال ویبپاڼه- د افغان سولې لپاره د امريکا د متحده ايالاتو ځانګړی استازی زلمی خلیلزاد همدا اوس په دوحه کې دی او هڅه کوي د افغان سولې سفر نهايي کړي او د بين الافغاني خبرو په وړاندې موجود خنډونه له منځه يوسي او د افغانستان څخه امريکايي ځواکونو وتلو او د طالبانو له لوري په افغانستان کې د اوربند کولو ته موقع مساعده کړي‌.

د امريکا د بهرنيو چارو د وزرات يوه وياند نن امریکايي رسنیو ته وویل چې خليلزاد به د يوې نسبتا اوږدې مودې لپاره په دوحه کې پاتې شي او هڅه به وکړي چې د سولې د خبرو د کاميابېدو لپاره د موجود چانس څخه استفاده وکړي او دا چانس بريا ته ورسوي.

تازه په دوحه کې د خبرو د حال څخه په پاکستان کې د طالبانو پخواني سفير عبدالسلام ضعیف معلومات ورکړي دي او ويلي يې دي چې امريکا د افغانستان د کشالې نهايي کولو کې جدي ده او همدا اوس په دوحه کې د بين الافغاني خبرو په وړاندې د خنډونو د لرې کولو په سر بحث روان دی.

ضعيف وايي چې د پاتې بنديانو په خلاصولو، د تور لیست څخه د طالب مشرانو د نومونو د لرې کولو د اوربند يا د اورکم په هکله ځينې پرمختګونه رامنځته شوي دي او طالبان او خليلزاد هڅه کوي دا پرمختګونه نهايي کړي.

دا پخوانی طالب چارواکی وايی چې امريکا د افغانستان د مسلې په حل کولو کې جدي ده او پکار ده چې افغانان هم له دې موجود فرصت څخه په ګټې اخیستنې سره په افغانستان کې د سولې د قايمولو لپاره ګټه واخلي.

په همدې حال کې د امريکا د بهرنيو چارو د وزرات يو وياند نېډ پرايس وايی چې امريکا د خپل وس مطابق په خپل ټول توان هڅه کوي چې دواړه لوري حمايت کړي او د سولې لپاره د سیمې او نړۍ ملاتړ او اجتماع رامنځته کړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More