عبدالله یې بیا نه مني اندرابي ولې لیري سوی

خبریال ویبپاڼه/ عبدالله په نه منلو کې له خورا لوی شهرت لري او یوځل بیا يې د نه منلو کیسه راپورته سوې هغه د محمد مسعود اندرابي به لیري کولو غبرکون ښودلی.

د افغانستان د ملي روغي جوړې شورا مشر ډاکټر عبدالله عبدالله ویلي چې د محمد مسعود اندرابي چې د افغانستان د کورنیو چارو وزیر لیري کول ورته د منلو وړ نه دي، په دې هکله سپیدا ماڼۍ ویلي له کوم موده دلیله او مشورې پرته د کورنیو چارو د وزیر ګوښه کول په بیړه پریکړه ده، او د دواړو لورو د هوکړې خلاف کار دی او دوی ته د منلو نه ده.

د افغانستان د ولسمشر د حکم له مخې تیره ورځ محمد مسعود اندرابي د افغانستان د کورنیو چارو وزیر له دندې ګوښه او پرځای یې د کندهار ولایت مخکنی والي حیات الله حیات د سرپرست وزیر په توګه معرفي سو، د افغانستان د ملي امنیت شورا د دې بدلون په هکله ویلي چې موخه يې د امنیت ښه تامین او د خلکو خوندي کول دي.

په ورته مهال سرچینې وايي چې د افغانستان د ملي دفاع مرستیال او سرپرست شامحمود میاخیل قطر کې د افغانستان د سفیر په حیث ټاکل سوی ځکه نو یاسین ضیا د دفاع وزیر اسدالله خالد تر راتګ د ولسمشر د حکم پر اساس د افغانستان د دفاع وزارت سرپرست سوی د افغانستان ولسمشر د کورنیو چارو وزیر وروسته له هغه لیري کوي چې د کابل په ګډون دافغانستان نژدې په ټولو ولایتونو کې د نا امنیو نوي موجونه راپورته سوي، جګړې بمي چاودنې او هدفي وژنې او ج ته رسیدلې او افغان امنیتي ځواکونه د دې حالت په کابو کولو کې پاتي راغلي ځکه نو افغان ولسمشر تصمیم نیولی چې مسعود اندرابي له وزارته ګوښه کړي.

مسعود اندرابي زیاته موده د افغانستان د کورنیو چارو وزیر پاتي سو او تیره ورځ د ده پرځای حیات الله حیات د کورنیو چارو د سرپرست وزیر په صفت وګومارل سو، چې له دې وروسته به د کورنیو چارو وزارت چارې مخ ته وړي.

د حیات الله حیات د ګمارنې ترڅنګ د کورنیو چارو وزارت د لومړۍ مرستیالي لپاره جنرال محمد ایوب سالنګي ټاکل سوی

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More