fbpx

چارواکي:د ۶۹ وسله والو د وژلو ادعاکوي

 

دافغانستان دفاع وزارت څخه په خپره شوي خبرپاڼه کې ويل شوي چې په تيرو ۲۴ ساعتونو کې ۶۹ وسله وال وژل شوي او ۱۵ نور ټپیان دي.

په خپره شوي خبرپاڼه کې ويل شوي چې د تير۲۴ ساعتونو په موده کې ۱۲ تعرضي ۹۷ کومانډويي  عمليات او ۱۵ يي بیا هوايي بريدونه ترسره کړي دي.

دغه سرچينه وايي ، د پکتیا ولایت په زرمت ولسوالۍ کې ۱۹ وسله وال، د غور په چهار صدې ولسوالۍ کې ۱۶ وسله وال، د هلمند په نوازاد کې 7 وسله وال او د فراه په پشت رود ولسوالۍ کې ۶ وسله وال وژل شوي.

خبرپاڼه زیاتوي چې په ننګرهار، میدان وردګ، ارزګان، غزني، پکتیا او فاریاب ولایتونو کې یې هم عملیات کړي چې په کې یې وسله والو ته د مرګ ژوبلې د اړولو ادعا کړې.

د دفاع وزارت په دې اعلامیه کې افغان حکومتي ځواکونو ته د اوښتې مرګ ژوبلې په اړه څه نه دي ویل شوي، خو راپورونه وايي چې په بېلابېلو ولایتونو کې د وسله والو طالبانو په وروستیو بریدونو کې د افغان امنیتي او دفاعي ځواکونو مرګ ژوبله هم زیاته شوې ده.

په دې لړ کې وړمه شپه د فراه ولایت په نښتو کې لسګونو افغان سرتېرو ته د مرګ ژوبلې د اوښتو راپورونه ورکړل شوې دي.

 

Loading...