fbpx

پنځه کيلوګرامه هيرويين نيول شوي

پوليسو د حامد کرزي په نړیوال هوايي ډګر او کندوز ولايت کې ٣٧ کيلوګرامه هيرويين کشف او ترلاسه کړي چې د انتقال په تور يې پنځه تنه هم نيول شوي.

د کورنيو چارو وزارت څخه په خپره شوې خبرپاڼه کې راغلي چې پوليسو د حامد کرزي په نړیوال هوايي ډګر کې پنځه کيلوګرامه هيرويين کشف او ترلاسه کړي.

سرچينه زياتوي نیول شوي مخدره توکي په ځان پاک، برزو، زېر پېراهني او یخن قاق کې، په ماهرانه ډول ځای پر ځای شوي وو؛ چې له هېواده بهر د لېږد پر مهال د حامد کرزي نړیوال هوايي ډګر د سرحدي پولیسو قوماندانۍ د مؤظفینو له خوا کشف او ونیول شول

د خبرپاڼې په حواله چې د يادو نشه يي توکو د انتقال په تور يو تن هم نيول شوى

د يو بل خبر له مخې، د کندوز امنيه قوماندان مل پاسوال عبدالباقي نورستاني وايي چې تېره شپه پوليسو د کندوز-بغلان لويې لارې د پل چرخاب په سيمه کې له يو موټر څخه ٣٢ کيلوګرامه هيرويين کشف او ترلاسه کړي دي.

هغه وايي چې دغه توکي په يو سراچه موټر کې په ماهرانه ډول ځاى پرځاى شوي وو چې پوليسو کشف کړي دي.

Loading...