پښتني جامې د نړې په کچه د پراخیدو په حال کې دي

خبریال اداره: پښتني جامي چې یو مهال یوازي پښتنو نجونو اغوستي اوس د غیر پښتنو قومونو د نجونو تر منځ په پراخه کچه مود شوي او د خپریدو په حال کې دي. دغه جامې تر دې دمخه یوازي د پښتنو قومونو تر منځ  د خوښیو په مراسمو کې ډیري کارول کیدلي.

خو اوس هزاره، تاجک او نور قومونو هم په پراخه کچه د دغو جامو اغوستو ته مخه کړي ده.

دغه جامي چې خورا زړه را ښکونکي او لرغوني دي په بیلا بیلو ډیزاینونو په انلاینه توګه اوس د موندلو وړ دی.

په اروپا کې د یادو جامو یوه خرڅونکي محمد غیاث خبریال ته وویل چې دا جامي اوس د پنجابي او نورو هغو جامو ځای نیولی کومي چې به تر دې دمخه د نورو قومونو نجونو کارولي.

محمد غیاث وایي دوي دومره ډیر فرمایشات لري چې حتی اوس ورته رسیدلای نه شي.

یادي جامي د افغانستان دننه په اصیله توګه جوړیږي او بیا د امریکاُ استرالیا او اروپا هیوادونو ته استول ګیږي.

ویل کیږي چې یادې جامي د تلویزیوني خپرونو د ویندویانو له لوري تر اغوستلو وروسته د خلکو پام ځان ته اړولی او په پراخه کچه اوس کارول کیږي.

د افغاني جامو بیه هم مناسبه او هم ډیر زړه را ښکونکي ده.

یادو جامي اوس د افغان غیر پښتنو سندرغاړو تر څنګ د ټولنیزو رسنیو د اغیزمنو څیرو له لوري هم په پراخه کچه کارول کیږي او کاروباریان یي له خپریدو ډير خوشهاله او پري فخر کوي.

میرویس جلالزی

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More