fbpx

د طالبانو د یوه کمین په ترڅ کې ۲۷ پولیسو ته مرګ ژوبله اوښتې

فراه ولایت کې د طالبانو د یوه کمین په ترڅ کې د ۲۷ پولیسو د مرګ ژوبلې خبر ورکړی.

ځايي چارواکي وايي، دغه پولیس د فراه د مرکز او جوین ولسوالۍ ترمنځ لار کې د طالبانو پر کمین برابر شوي.

د دوی په وینا دغه پولیس له فراه ښاره جوین ولسوالۍ ته د نوي امنیه قوماندان د معرفي کولو لپاره روان و، چې د تخت او تیوسک کلي کې د طالبانو له کمین سره مخ شول.

امنیتي سرچینې وايي، د طالبانو په دې برید کې د جوین ولسوالۍ د امنیه قوماندان محمد اقبال په ګډون  ۱۷ پولیس وژل شوي او د فراه د امنیې قوماندانۍ د امریت د مرستیال حاجي قادرجان په ګډون پنځه پولیس ټپیان شوي.

د فراه د ولایتي شورا غړو هم د دغه خبر د پخلي تر څنګ ویلي، چې د طالبانو په کمین کې د منظره قطعې د قوماندان شهباز او د جوین د امنیه قوماندان محمد اقبال په ګډون ۲۲ پولیس وژل شوي او پنځه نور ټپیان شوي دي.

روغیتايي کارکوونکو هم ویلي دوی ته ۲۲ جسدونه او ټپیان وروړل شوي چې د ځینو روغتیايي حالت نازک دی.

وسله والو طالبانو هم ویلي، چې په یوه برید کې یې ۲۰ سرتېري وژلي او د هغوی څلور موټر یې له منځه وړي دي.