ایا د سوختوک بند نړیدو خطر سره مخ دی

خبریال ویب پاڼه/ دافغانستان دایکنډي  ولایت کې سوختوک بند چې کاريې خلاص او ګټې اخیستنې ته سپارل سوی ویل کیږي چې بیرته د نړیدلو له خطر سره مخ دی خو دا خبرونه رد سوي دي.

د دایکنډي ولایتي چارواکي دا نه مني چې دې بند دي درز کړی وي او د نړیدلو له خطر سره دي مخ وي پر خواله رسنیو د سوختوک بند داسې انځورونه خپاره سول چې ګواکي درز یې کړی او نړیدلو له خطر سره مخ دی.

محمد علي ارزګاني د دایکنډي مرستیال والي دا ادعاوي رد کړې دا بند د رونې میاشتي پر اتمه نېټه ګټې اخیستنې ته وسپارل سو.

د دایکنډي ولایتي چارواکي  خو دا  ادعاوي ردوي  اما پرخواله رسنیو د دې بند یو شمېر انځورونه لاس پر لاس کیږي چې دې بند درز کړی تیر کال هم د ولسمشرۍ ماڼې د ارزونې یوې ډلې چې دې بند درز کړی جوړ کړ خو بیاهم ورته راپورونه ورکول کیږي.

دا چې په دې وروستیو ورځو  کې به دا بند د افغان ولسمشر محمد اشرف غني له لوري پرانستل سي خو  خلک اندېښنه لري چې له ګټې اخیستنې مخکې دا بند درزي سوی او د نړیدلو له خطر سره مخ دی.

په یوه انځور کې چې په خواله رسنیو کې خپور سوی ښکاري چې یو کس د دې بند یوه برخه چې درز دی پکښي په سیمیټو د دویم ځل لپاره بندوی او دا د بحث وړ موضوع جوړه سوې.

سوختوک بند چې په دایکنډي کې موقعیت لري د برېښنا ادارې د مالوماتو له مخې د ۷۰۰ میګاواټه برېښنا تولید ظرفیت لري چې  دا مهال هم د دې ولایت مرکز نیلي کې خلک د دې بند برېښنا څخه استفاده کوي

سوختک بند د دایکنډي ولایت د نیلي ښار کې موقعیت لري چې د ۴،۹میلیونه ډالرو په لګښت جوړ سوی او له ګټې اخیستنې وروسته به د دایکنډي خلک وکړای سي چې په پراخه توګه يې له اوبو او برېښنا څخه ګټه واخلي.

خو مهمه خبره داده که يې چیري د درز خبره رښتیا وي نو باید سر له اوسه يې غمه وخوړل سي ځکه په ډيرو پیسو جوړ سوی دا بند که خدای ج ناکرد ویجاړ سي نو خلکو ته او دولت دواړو ته به زیان واوړي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More