المان ولې افغانستان ته سرتیري او ټانکونه لیږي؟

خبریال ویب پاڼه/ د امریکا په څېر المان هم له د مي له لومړۍ نېتې څخه د خپلو سرتیرو په هکله اندېښنه لري او ویلي يې دي دا چې خطرونه زیات دي نو دوی هم ورته چمتوالی نیسي.

په پیل کې المان خبر ورکړی چې ډیر ژر به زرغوال موټرونه افغانستان ته ورسیږي او همدارنګه المان هاوان غورځوونکې ټانکونه به د افغانستان شمال کې د دوی کمپ مارمل ته ډیر ژر ورسیږي ترڅو په حفاطتي برخه  کې له مشتو الماني عسکرو سره مرسته وکړي.

د المان د دفاع وزارت په خپل یوه بیان کې ویلي د دې سره چې تجهیزات افغانستان لیږو زموږ سرتیري هم چمتوالی نیسي د دې هېواد دفاع وزار ویلي له مي وروسته په افغانستان کې پاتي کیدل خطرناک دي ځکه نو دوی داسې پریکړه وکړه چې د خپلو سرتیرو ساتنې لپاره دا اقدامات وکړي.

د مالوماتو له مخې امریکا هم تاز دمې ۶۵۰ عسکر افغانستان ته لیږي ترڅو د خپلو سرتیرو د وتلو بهیر امینت  خوندي کړي او د راتلوونکو ګواښونو په وړاندې چمتوالی ولري.

د المان د دفاع وزارت ویلي موږ د طالبانو ګواښونه کم نه ګڼو ځکه دا دول احتیاطي ګامونه اخلو د دې وزارت د خبر له مخې هالنډ هېواد ته هم ورته ګام پورته کړی او تازه دمې سرتیري يې مزارشریف ته رسیدلي دي.

المان دا مهال افغانستان کې له امریکا وروسته دویم هېواد دی چې د لته ډير سرتیري لري د الماني سرتیرو شمېر ۱۱۰۰ کسانو ته رسیږي چې د هېواد په شمال کې پراته دي .

که څه المان د امریکا تر خبرداري مخکې ویلي وو، چې د خپلو سرتیرو ماموریت يې  تر ۲۰۲۲ کال پوري تمدید کړی خو د امریکا خبرداري زړه ځینې وکیښ او سمدلاسه يې خپله پریکړه بدل او ویې ویل چې له افغانستانه به د خپلو سرتیرو د وتلو پروسه تر راتلوونکي سپټمبر میاشتي ۱۱ نېټې پوري بشپړوي.

په ورته وخت یو شمېر سیمه ییز هېوادونه وایي چې په اوسنیو حالاتو کې له افغانستانه د بهرنیو ځواکونو  داسې غیري مسؤلانه وتل ښه نه دي او دا کار د دوی او افغانستان لپاره بدې پایلي ولري خو امریکا او افغان دولت ډاډ ورکړی چې افغان ځواکونه هرڅه سمبالولی سي.