په درېو ولایتونوکې ۲۰ وسله وال وژل شوي

زابل، کندهار او اروزګان ولایتونو کې د افغان ځواکونو د عملیاتو پر مهال ۲۰ وسله والو ته مرګ ژوبله اوښتې.

د ۲۰۵ اتل قول اردو ویاند جګړن یحی علوي وايي، دغه عملیات د زابل په شاجوی، د کندهار په خاکرېز او د اروزګان په خاص اروزګان کې تر سره شوي.

نوموړي زیاته کړه، چې په درې واړه ولایتونو کې د عملیاتو پر مهال ۸ طالبان وژل شوي او ۱۲ نور ټپیان شوي دي.

جګړن علوي وايي، په وژل شویو او ټپي طالبانو کې د هغوی ځینې قوماندانان هم شامل دي.

طالبانو تر اوسه په دې اړه څه نه دي ویلي.