بلینکن پاکستان سره ګډ کار لپاره انتظار باسي نتیجه ورکوي
خبریال ویب پاڼه/ د امریکا او پاکستان بهرنیو چارو وزیرانو په یوه ټلیفوني مکالمه کې د افغان سولې پر وروستیو هڅو او په دې برخه کې د پاکستان پر همکاریو ږغیدلي چې پاکستان ډاډ هم ورکړی او بلینکن ویلي دوی د پاکستان سره ګډ کار ته انتظار دي.
کومه نتیجه؟
که چیري د نړۍ او امریکا فشارونه نه وای نو پاکستان به بیاهم په ډیره سپین سترګي سره په ښکاره ډول د ترهه ګرو ډلو فعالیت ته اجازه ورکړې وای خو داچې دا فشارونه دي نو دې هېواد هم خپل ځان څه کنټرول کړی.
دا رښتیا خبره ده چې پاکستان د افغان سولې په برخه کې مثبت رول لوبولی سي خو هیڅ کله خپل رول ته مثبته بڼه نه ورکوي او نه به هم په رښتیني ډولس سره له دې پروسې سره مرسته وکړي.
پاکستان د خپل دوه مخې سیاست له کبله امریکا افغان دولت او طالبان ټول خوشحاله ساتلي هر یوه ته یې بیلابیلې ژمنې ورکړې خو په اصل کې دوی ته خپل هدف مهم دی.
ټلیفوني خبرې څه وې؟
د امریکا بهرنیو چارو وزیر انتونیو بلینکن ویلي چې د قریشي سره یې خبرې ګټورې وې چې د تروریزم ضد مبارزه کې د پآکستان ژمنو د پرمختګ او افغان سولې سره د همکارۍ او د سیمې د ثبات څخه د ملاتړ بحثونه ول، ده په خپلو وروستیو څرګندونو کې وویل چې دی له پاکستان سره د ګډ کار او مبارزې لپاره انتظار باسي.
د پاکستان د بهرنیو چارو وزیر شامحمود قریشي ویلي چې دوی د افغان سولې په برخه خپلې مرستې او همکاریو ته دوام ورکوي.
دا په داسې حال کې ده چې تازه طالبانو هم د سولې خبرو لپاره میلان ښودلی او د جګړې پرځای یې د خبرو برخې ته تمرکز زیات کړی خو که پاکستان او یاهم طالب لارې ته راځي نو دا یوازي د فشارونو نتیجه ده، طالب یوازي د پاکستان په ژبه ږغیږي خو کله چې فشارونه زیات سي نو بیا پاکستان خپله ژبه بیله کړي.
افغان ولسمشر په خپله یوه تازه مرکه کې پاکستان او طالبان سره لازم او ملزوم بللی وو، او دا هېواد يې تورن کړی وو، چې د طالبانود تجیز او اکمال په برخه کې اوس هم مرستې کوي
Comments are closed.