له فضل الرحمانه بیا دافغانستان په هکله ږغ سوی

خبریال ویب پاڼه/ د پاکستان د سیاسي ګوندونو مجموعه چې مشري يې مولانا فضل الرحمن کوي له دولته د افغانستان په هکله وضاحت غوښتی او ویلي يې دي چې د امریکايي اډو د جوړولو په هکله چې اوازې خپرې سوې باید مالومات ورکړي.

مولانا فضل الرحمن چې تل يې په افغانستان کې د جګړې کولو پلوي کړې او دې جګړې ته يې د جهاد مقدس نوم ورکړی یو ځل بیا د افغانستان په اړه خپله خوله خلاصه کړې.

مولانا فضل الرحمن یوې غونډېط ته ویلي د سیمې حالات اندېښمن دي او باید موږ هم اندېښنه وکړو، پي ډي ام یاد پاکستان د سیاسي ګوندونو ائتلاف له پاکستاني دولته غوښتي چې د یوې پارلماني کډې غونډې په ترڅ کې د خپل هېواد دفاعي حالت، بهرنۍ پالیسي او له افغانستانه د بهرنیو ځواکونو تر وتلو وروسته د حالاتو او امریکايي اډو د جوړیدو په هکله د خپرو سویو اوازو په هکله مالومات وړاندې او سپیناوی ورکړي.

ده دا هم ویلي چې د حکومت پر ضد به پراخې مظاهرې هم وکړي.

امریکا دفاع وزارت موده مخکې وویل چې پاکستان ورته هوايي او ځمکنی حریم په اختیار کې ورکوي ترڅو  د افغانستان پر ضد يې وکاروي چې وروسته دا خبره تر رسینیز کیدلو بیرته د پنټاګون او پاکستان له لوري رد او ګونګه سوه خو رسنیو ویلي داسې شواهد موجود دي چې پاکستان سره د دوه نیم اربه ډالرو په بدل کې دا کار سوی.

د پي ډي ام له مداخلې وروسته هم تر اوسه پاکستان په دې اړه کوم وضاحت نه دی ورکړی دا چې دوی به په راتلوونکې کې څه وکړي مالومه نه ده.

له افغانستانه د امریکايي او بهرنیو ځواکونو د وتلو پروسه د سپټمبر میاشتي  تر ۱۱ پوري بشپړیږي او له هغه وروسته امریکا غواړي افغانستان د هوا له لارې وڅاري او ویلي یې دي چې دې هېواد ته نژدې پوځي اډې جوړوي هغوی ویلي چې له تروریزم سره د دوی مبارزه روانه ده او له خپلو وتلو وروسته به هم افغانستان د  هوا له لارې څارې او د لته به ترهه ګر په نښه کوي خو دا يې تراوسه يې په ډاګه کړې نه ده چې څنګه او چیري خپلې پوځې  اډې جوړوي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More