fbpx

افغانستان ۲۰۲۰ کال شل اوریزه نړیوال جام ته نېغ په نېغه لار پیداکړه

کال وړاندې د کرکټ نړیوالې شورا یا ( ای سي سي ) په یو راپور کې ویلي و چې د اسټرالیا په کوربه توب د راتلونکې شل اوریزه نړیوال جام سیالیو لپاره به اته غوره مخکښې لوبډلې راسآ لار پیداکړي او پاتې اته لوبډلې به د غوراوي پړاو سیالیو وروسته نړیوال جام ته لار ومومي.

دا ځل به راتلونکی شل اوریزه نړیوال جام د ۲۰۲۰ کال د اکتوبر پر ۱۸ مه نېټه پیل او تر نومبر ۱۵ مې نېټې پورې دوام وکړي ،په جام کې ټولې (۱۶) لوبدلې لوبېږي چې د (ای سي سي ) له لورې ورته کال وړاندې مهم شرط ایښودل شوی و، د کرکټ نړیوالې شورا د راتلونکي شل اوریزه نړيوال جام ته د تګ پر مهال دا شرط ایښی و.

لومړی هغه (۱۲) فولممبر یا بشپړ غړیتوب لرونکې لوبډلې چې په ( ۲۰۱۸) کال کې په جدول کې اته مخکښو لوبډلو په قطار کې راغلې وي دا لوبډلې به مستقیمآ په نړیوال جام کې ولوبېږي، بل څلورد بشپړ غړیتوب لرونکې لوبدلې به د دویمې درجې هېوادونو سره د غوراوي پړاو سیالۍ وکړي چې په هغې کې به اته مخکښې لوبدلې نورې هم نړیوال جام ته لار پیداکړي.

که چېرته مونږ د ۲۰۱۸ کال نړیوالو شل اوریزو سیالیو درجه بندۍ ته کتنه وکړو بیا نو د افغانستان لپاره ستره لاسته راوړنه ده ځکه چې اوس افغان لوبډله په اتم مقام کې قرار لري، دا به د افغانستان لپاره ستره بریاوي چې د لومړي ځل لپاره نېغ پر نېغه نړیوال جام ته لار پیدا کړي.

په تازه درجه بندۍ کې مخکښې لوبډلې لومړی پاکستان ،دوهم هند، دریم انګلستان،څلورم اسټرالیا ، پنځم سوت افریقا، شپږم نیوزیلیند ، اوم ویسټ انډیز، اتم افغانستان، شامل دي دا اته لوبډلې به نېغ په نېغه نړیوال جام کې ولوبېږي .

ممکن غوراوي پړاو د سریلانکا، بنګله دېش ، سکاټلینډ ، زمبابوې متحده عربي امارات ، نېدرلینډ هانکانګ ، عمان ، ایرلینډ او ښايې نورو لوبډلو ترمنځ ترسره شي.‎‎‎‎‎‎‎‎‎

له دې لوبدلو څخه به اته لوبډلې له غوراوي پړاو څخه راتېرې شي او په نړیوال جام کې به ولوبېږي.

د یادونې وړده چې تېره ورځ د ۲۰۱۸ کال پای ته ورسېد د کرکټ نړیوالې شورا لا د نړیوال جام په تړاو څه نه دي ویلي ، بلخوا افغان کرکټ بورډ دا تایئدوي چې افغانستان بې له غوراوي پړاو نړیوال جام ته لار پيداکړه.