fbpx

ختیځ کې لاهم ځنګلونه قطع کېږي

د کرنې او مالدارۍ وزیر وایي په ختیځ کې لاهم په خپلسري ډول د ځنګلونو قطع کیدل روان دي چې دي چاري دوي اندېښمن کړي دي .
د افغانستان کرنې او مالدارۍ وزير نصير احمد دراني  په ننګرهار کې رسنیو ته وویل ناامني، داخلي او د سيمې مافيايي کړۍ هغه څه یاد کړل چې په خبره يې د ځنګلونو خپلسرې وهنې ته يې زمينه برابره کړې ده.
د نوموړي په خبره چې د قاچاق د مخنیوي لپاره به له امنیتي ادارو سره په همکاري به هغه لارې وتړي چې د لرګیو قاچاق پرې کیږې او د ځنګلونو  د وهلو په مخنیوي کې به د سیمي له خلکو سره اقتصادي همکاری وشي .
د کرنې وزیر وویل پلان لري چې د هغو سیمو خلکو ته  نیالګیو د تولید زمینه سازي وکړي چې  شا خوا ځنګلونه ولري او ډیر عایدات یي له همدي ځنګلونو دي.
هغه د کونړ ولايت ځنګلونو ته په اشارې سره وويل، چې یاد ولايت تر ډېره د بې ميوو ونو ځنګلونه لري او اوس ورته پلان جوړ شوی، چې د چهارمغزو او ستروسو مصنوعي ځنګلونه په کې رامنځته شي، چې خلکو ته اقتصادي هم تماميږي او د نورو ځنګلونو د قطع کېدو مخه هم ورسره نيول کېږي.
د ننګرهار والي حیات الله حيات د دغه ولايت د ځنګلونو د وهلو په تړاو وويل، د ځنګلونو د خپلسري وهونکو او لرګیو د قاچاقبرانو په مقابل کې به له جديته کار واخلي.
دی وايي، که د دولت تر ولکې لاندې سيمو کې ځنګلونه په خپل سر ووهل شي او يا قاچاق شي؛ نو په مخنيوي کې پاتې راغلي ځايي مسوولينو سره يې هم قانوني چلند کوي.