fbpx

نور جلغوزي هم د صادرولو لپاره چمتو دي

د دغې وزارت څخه په خپره شوي خبرپاڼه کې راغلي چې د تېرکال راهیسې د جلغوزیو د صنعت په برخه کې مهم او اغېزمن ګامونه اخېستل شوي دي د کرنې د وزیر نصیر احمد دُراني په وینا چین ته د جلغوزیو د صادراتو له پیلېدو سره جلغوزیو ته پاملرنه ډېره شوې چې ورسره دغه صنعت هم د غوړېدو پر مخ روان دی.

دی وايي، همدا اوس ۱۵۰ ټنه نور جلغوزي هم د صادرولو لپاره چمتو دي د کرنې وزارت وايي، ترکیه هم د افغان جلغوزیو د پیریدلو لېوالتیا لري او ټاکل شوې ډېر ژر هغه هېواد ته هم د صادراتو لړۍ پیل شي.

د افغانستان د کرنې وزیر وايي، افغانستان کولای شي د جلغوزیو د تولید کچه ۳۵ زره ټنو ته ورسوي چې اوسني نرخ ته په کتو له دې کار سره به یوازې له جلغوزیو په کلني ډول یو نیم میلیارد ډالره صادرات ولري.