fbpx

پاکستان: د بریالیو خبرو لپاره بین الافغاني خبرې یواځینۍ لار ده

د پاکستان د بهرنيو چارو وزارت ويلي، د افغانستان د مسئلې د سوله ييز حل لپاره اسانتياوې برابروي. دا خبره د یاد وزارت وياند پر خپل ټويټر کړې ده محمد فېصل لیکلي، دوی په دې باور لري چې د بریالیو خبرو لپاره بېن الافغاني خبرې يواځينۍ لاره ده.

د پاکستان د بهرنیو چارو وزارت دا خبره په داسې حال کې کړې چې د افغان سولې په تړاو د سيمه ييزې اجماع رامنځته کولو لپاره د ولسمشر غني ځانګړی استازی عمر داودزی پاکستان ته تللی دی. دا په داسې حال کې ده چې د سیمه ییزې اجماع په رامنځته کولو کې د ولسمشر ځانګړي استازي عمرداودزي تر دې مخکې ویلي وو، اوس دستي د افغان سولې په برخه کې د پاکستان پر نيت د شک کولو لپاره دليل نه لري.

د یادونې ده چې د افغان سولې لپاره د امریکا د بهرنیو چارو وزارت ځانګړی استازی زلمی خليلزاد په همدې اړه د خبرو لپاره د افغانستان، پاکستان، هند او چين پر سفر راوتلی دی.