fbpx

غیر دولتي کسان نیمه درنه وسله نه شي ګرځولی

کورنیو چارو وزارت وايي، له دې وروسته، له افغان ځواکونو پرته هېڅ غیر دولتي اشخاص نه شي کولای له ځان سره نیمه درنې وسلې، راکټ، پیکا او دهشکه وګرځوي.

کورنیو چارو وزارت څخه په خپره شوې خبرپاڼه کې راغلي، دغه ګام یې د ښاریانو د رواني او عیني امنیت د ټنګښت په موخه اخیستی دی.

په خبرپاڼه کې په جدیت سره ګواښ شوی دی، چې له دې وروسته د ملي دفاع وزارت، کورنیو چارو وزارت او ملي امنیت ریاست ځواکونو پرته  نور هېڅ غیر دولتي کس حق نه لري، چې خپل ساتونکو د پیکپ، ډاډسن، رنجر او یا هم نورو موټرو په باډیو کې په ځان پسې ولېږدوي او یا هم نیمه درنه وسله پر خپلو موټرو نصب کړي.

کورنیو چارو وزارت وايي، دغه ګام یې د زرګونو افغانانو په غوښتنه او د ښاریانو د رواني او عیني امنیت د ټینګښت په موخه اخیستی او پولیس یې پر عملي کولو مکلف دي.

یاد وزارت دغه خبردارۍ پر داسې مهال ورکوي، چې له دې وړاندې یې دوه ځلې د سلګونو هغه کسانو نوملړ خپور کړی، چې په غلا، قتل، سړي تښتونې، او نورو ګڼو جنايي جرمونو کې لاس لري.

Loading...