د شپې بندیز د حکومتي کنټرول د ضعف په مانا دی؟

خبريال وېبپاڼه: تېره اونۍ حکومت د شپې د ګرځېدو په هکله خپله تازه پرېکړه اعلان کړه، ددې پرېکړې په بنسټ د افغانستان په مطلق اکثریت ښارونو/ ولايتونو کې د شپې د لسو بجو وروسته هېودوال نشي کولای بیرون ته راووځي.

دغه پرېکړه په ښکاره د طالبانو د پرمختګ د مخنیوي لپاره شوې ده، خو ښکاري داسې چې ددې پرېکړې ټول اړخونه د چارواکو له لوري په ښه ډول ندي سنجول شوي.

د یوه لوري په دې پرېکړه کې داسې يو حس دی يانې دداسې يو حس په بنسټ ترسره شوې ښکاري چې حکومت د شپې عمومي تګ راتګ بند کړي او په دې ډول باندې که د شپې له لوري هر حرکت وشي نو مشکوک حرکت به وي او حکومت به یې د له منځه وړلو پرېکړه کوي.

خو حقيقت څه دی آيا حکومت ددومره پراخ تعقيب او عملياتو وس لري؟

نخير، که په ځير سره د هېواد حالاتو ته وګورو نو حکومت تر ډېره په دفاعي حالت کې دی او ورسره هغه سيمې نشي خلاصولی چې طالبان پکې په ټوله مانا فعال دي او حکومت یې د هدف ګرځولو لپاره د هېڅ مانع سره ندی مخ، نو چې حکومت د طالبانو له لوري نیول شوي د ولسواليو تعميرونه نشي خلاصولی د عسکرو محاصرې ته نشي رسېدلای په ټول ملک کې به د شپې هر حرکت څه ډول تعقيبوي.

پرېکړه خلک متضرروي

په دې پرېکړه يو لوی زيان د عامو خلکو دی، په داسې حال کې چې هېواد د وچ کالۍ سره مخ دی او په ډېرو سيمو کې خلک په نوبت سره اوبه ږدي او دا نوبت ډيرو خلکو ته د شپې له لوري ورسېږي او خلک د شپې خپل پټي او ځمکې اوبوي.

نو حکومت څه کوي ايا دا خلک د نورو ستونزو سره هم مخ کوي او که د طالب په شکل به يې هدف ګرځوي.

د حکومت مقام ته زيان لري

له دې پرېکړې داسې يو حس راوزي چې حکومت د خپل نه حاکمیت او د نه کنترول له وجې اوس په عام ډول هېواد بندوي.

طالبان په ښکاره د هېواد په ډېری برخو کې شتون لري او د ورځې عمليات ترسره کوي حکومت دې ولاړ شي د هغوي مقابله دې وکړي د شپې لپاره له لوري د ټول هېواد تړل څه مانا.

تېره ورځ د تخار ولايت يوه ډله اوسېدونکو په کابل کې خېمه وهلې وه او د حکومت څخه يې غوښتل چې په سيمه کې يې امن راولي خو د ولسمشر لومړي مرستيال ورته ويل ولاړ دې شي د حکومت څخه دې وسلې واخلي او پخپله سيمه کې دې د طالبانو مقابله وکړي.

دا نو د حکومت له لوري عملي اعتراف دی چې د خلکو امنيت نشي ساتلی او په خلکو اواز کوي چې خپل ځان پخپله وساتي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More