ترهه ګر پاکستان هند تورن کړ ترهه ګر ور استوي

خبریال ویب پاڼه/ موئید یوسف د پاکستان د ملي امنیت سلاکار په خپلو تازه څرګندونو کې هند د دوی پر ضد په ترهه ګریزو فعالیتونو تورن کړ او زیاته يې کړه چې د دې هېواد دا  کړنې د منلو وړنه دي.

د پآکستان د ملي امنیت سلاکار له یو شمېر هنددي رسنیو سره په تازه څرګندونو کې ویلي چې هند د پاکستان پر ضد ترهه ګریز فعالیتونه ترسره کوي او د افغانستان د خاورې په کارونې  سره پاکستان ته ترهه ګر اړوي.

هغه له هنده  وغوښتل چې باید دنورو په چارو کې له لاسه وهنې اجتناب وکړي او په وینا يې داسې کړنې د هند او پآکستان ترمنځ اړیکې نورې هم خرابولی شي.

موید تور پوري کړ چې هند خپل وګړي د کار کولو په نوم افغانستان ته استوي خو هلته دوی په په دا دنده لري چې ترهه ګر پاکستان ته واړوي که څه هم د ملي امنیت سلاکار دخپلو ادعا وو، په هکله کوم ثبوت وړاندې نه کړ خو زیاته يې کړه چې د هند دا کار اسلام اباد ته د منلو وړنه دی.

ده د دې پوښټنې په ځواب کې که چیري طالبان په زور واک ته ورسیږي ستاسو غبرګون به څه وي وویل په دې اړه به د نړیوالې ټولنې غبرګون ته انتظار وي او تر هغه وخته څه نه شي  کولی

پاکستان د هند له ویري هیڅ ارام نلري او د خپل ځان په وړاندې د هند له هر احتمالي برید څخه ډار لري ځکه نو يې دا چاره ترسره کړې او ویلي يې دي چې هند د دوی پر ضد افغان خاوره استعمالوي.

اصلي  خبره داده چې  پاکستان په سیمه  کې د ترهه ګرۍ تر ټولو لوی تمویلوونکی او ملاتړی هېواد چې د هند د یو شمېر برخو په ګډون افغانستان هم د دوی د ملاتړو ترهه ګرو څخه نا ارامه دی.

پاکستان په خپل وروستۍ دریځ کې د افغانستان د ملي امنیت سلاکار او د ولسمشر لومړی مرستیال امرالله صالح د هند د استخباراتي ادارې (را) نژدې ملګري او خپل دښمنان بللي او له همدې امله یې یو شمېر سیاسونو د محب لیدنه چې د پخواني لومړي وزیر نواز شریف سره يې کړي وارخطا کړي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More