د افغانستان په هکله د برتانيا مهمه پرېکړه

خبريال وېبپاڼه: د برتانیا لوی درستیز نيک کارتر وايي چې په افغانستان کې د طالبانو پرمختګ ته په کتو سره باید د افغانستان د ملي پوځ سره مرستې جاري وي.

په داسې حال کې چې په نیږدې دوه ورځو کې طالبانو د افغان حکومت څخه پينځه ولايتونه ونيول د برتانيا حکومت د افغانستان د پوځ څخه د ملاتړ په دوام ټینګار کوي.

د برتانیا څخه وړاندې تېره کله چې د شبرغان ولايت هم سقوط وکړ د امريکا ولسمشر جوبایډن اعلان وکړ چې ددې هېواد بي دوه پنځوس الوتکې به په طالبانو بیا بمباري پيل کړي.

طالبانو د جوبایډن اعلان ته تراوسه رسمي غبرګون نه دی ښودلی خو په هلمند کې د امريکايي الوتکو بمبار ته په غبرګون کې يې ويلي دي چې غچ به ضرور اخلي.

د انګلستان ټول پوځيان تقريباً د جولای په مياشت کې له افغانستان څخه وتلي دي او يوازې يوه کوچنۍ ډله يې پاتې ده کومه چې ددې هېواد سفارت ساتي.

د انګلستان پوځیان په ۲۰۰۱ م کال کې د امريکا سره يو ځای افغانستان ته راغلل او تر ډېره یې پوځیان په هلمند کې مېشت و، هغه هلمند چې اوس یې د څو کوچنيو سيمو پرتو په ټولو سیمو باندې طالبان واکمن دي.

د برتانیا پوځ هلمند له طالبانو په لومړيو کې پاک کړ خو په ۲۰۱۱ م کال کې طالبانو بيا په هلمند کې تحرکات پيل کړل او په پايله کې نن د هلمند د ولايت ۰۹ سلنه برخه اوس د طالبانو په لاس کې ده.

د انګلستان پوځ په افغانستان کې يو له هغه پوځونو څخه و چې په عملیاتو کې یې په دقیق ډول برخه اخيسته او په افغانستان کې یې د رسمی شمېرو له مخې ۴۵۵ عسکرو ژوند له لاسه ورکړ.

په دې وروستيو کې داسې خبرونه خپاره شول چې د جرمني او برتانيا پوځونه ډېر په خوشحالۍ او رضا له افغانستان څخه ونه وتل، بلکې د امريکا له لوري د شوې پرېکړې په بنسټ مجبور سول له افغانستان څخه ووځي.

د افغانستان روان وضعیت ته په کتو سره داسې ښکاري چې ډېری د ناټو لوی هېوادونه به د افغان حکومت د سقوط د مخنيوي لپاره کم تر کمه د طالبانو په وړاندې د افغانستان د پوځ هوايي ملاتړ وکړي.

buy visio professional 2019

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro