اروپايي ټولنې د اړيکو رغولو لپاره ط البانو ته مهم شرطونه ايښي

خبريال ويب پاڼه/ مهم شرطونه ټوله نړۍ د طالبانو کړنو او فعاليتونو ته ګوري او بیا یې ویلي چې پر همدې اساس به ورسره برخورد کيږي.
اروپايي ټولنې او غړو هیوادونو په افغانستان کې له ط البانو سره د اړیکو رغولو لپاره شرايط وضعه کړل.
پرون د اروپايي ټولنې غړو هېوادونو د بهرنیو چارو وزیرانو چې شمېر يې ۲۷ ته رسيده د سلوانیا کرانچ ښار کې په ګډه د افغانستان په اړه خبرې وکړې.
دوی وويل چې له طالبانو سره د ګډ کار کوولو موارد د دې ډلې له لوري رامنځته ته کيداي شي.
هغوی وويل چې ط البان دي بشري حقونو ته درناوی ولري، او په دې هېواد کې د بندو وګړو د مصؤن وتلو په برخه کې هڅه وکړي دوی ددې شرايطو په وړاندې کولو سره طالبانو سره روغه کولای شي.
اروپايي ټولنه په داسې حال کې دا څرګندونې کوي چې ط البانو ته له واک رسيدو وروسته ټوله نړۍ ګوري او دا ډله يې د واک پر ګدۍ د ازمون دایرې ته اچولې ده.
تراوسه پوري يو شمېر نورو هېوادونو هم ويلي چې دوی د ط البانو خبرو ته نه عمل ته ګوري خو تر اوسه هيچا هم د ط البانو نا اعلان شوی دولت په رسمیت نه دی پیژندلی.
اروپايي ټولنې تر دې وړاندې ويلي وو، چې غوی د ط البانو رسمیت پېژندلو ته بيړه نلري.
د ط البانو ډاډ
ط البانو ويلي چې د امريکا په ګډون له ټولې نړۍ سره ښې او دوستانه اړيکې درلودل غواړي او ټولو مدني او بشري قوانينو ته پای بنده دي.
خو خلک د طالبانو له شتون څخه ويره لري او نه غواړي چې افغانستان کې پاتي شي او دا مهال زرګونه افغانان يا هم له هېواده وتلي او ځينې يې انتظار کوي.
د هېواد په هکله اندېښنې
يو لړ اندېښنې د اقتصادي کمزورتیا د جګړې د نوې بڼې رامنځته ته کيدلو او نورو په هکله موجودي دي او خلک خپل راتلونکي ته زیات اندیښمن دي چې څه به کيږي.
تراوسه پوري د طالبانو واکمنۍ يوې مياشتې ته نژدې کيږي خو د هيڅ راز پرمختګ څرک نه لګیږي او نه هم څه تر اوسه شوي دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More