پنجشير کې بمبار چا کړی

خبريال ويب پاڼه/ ط البانو ادعا کړې چې نن يې د افغانستان پاتي ولايت پنجشير په مکمله توګه ونيوی او په دې سره دوی د ټول. افغانستان واکمن شول.
خو له دې ولايت څخه سيمه ييزې سرچينې وايي چې تير مازيګر د پنجشير د مقاومت ډلې پر سنګرونو باندي بريدونه شوي دي.
تراوسه پوري د دې هوايي بريدونو په هکله هيڅ هم نه دي ويل شوي، خو زيات شکونه يې راپورته کړي ځکه تراوسه طا البان د هوايي بریدونو وړتيا نلري او امریکا شتون نلري نو بيا سوال دادی چې دا بريدونه چا وکړل؟
يو شمېر راپورونه وايي چې د پنجشير والي او د بادغيس د خلکو يوه استازي د دې بريدونو پخلی کړی او دا کار يې د پاکستان بللی.
ولې په رسمي ډول تر اوسه پوري هيچا هم د يادو هوايي بریدونو په هکله څه نه دي ويل شوي.
دا بريدونه چا کړي؟
دا چې ط البان د هوايي ځواک اسانتياوې نلري نو مهمه پوښتنه داده چې دا الوتکې د چا او له کوم لوري راغلې؟
امریکا ویلي وو، چې له دې وروسته به افغانستان کې د داعش ترهه ګره ډله په نښه کوي او له طالبانو سره په همغږۍ سره به پرې بريدونه کوي خو ط البانو په دې هکله څه نه دي ویلي.
ط البانو خبرداری ورکړی چې په نژدې راتلونکي کې به د نوي حکومت اعلان وکړي او خپل نوی مشر به وټاکي.
اندېښنې که څه هم ط البان د ټول افغانستان واکمن دي خو تر اوسه يې نوی حکومت نه دی جوړ کړی او په دې هکله د خلکو اندیښنې ورځ تربلې زياتيږي.
د خلکو اندیښنې بې کاري د راتلونکي په اړه نه تضمين کمزوری اقتصاد او داسې نور دي چې وايي حل به نه شي او حالت به خراب شي.
تراوسه پوري افغانستان کې بانکونه تړلي د کارکوونکو تنخواوي نشته او همدارنګه ټول خدمات په ټپه ولاړ دي خو ط الب ډله وايي چې دوی به سرپرست حکومت اعلان کړي او هرڅه به بيرته عادي حالت ته وګرځي او خلک دي په بې غمه زړه خپل ژوند ته دوام ورکړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More