د چین له لوري په افغانستان کې ميلياردونو ډالرو پانګونې ته امريکا غبرګون وښود

خبريال وېبپاڼه؛ تېره اونۍ د افغانستان د حکومت وياند ذبیح ا م پخپلو څرګندونو کې ويلي و چې چين پلان لري په افغانستان کې میلياردونه ډالره پانګونه وکړي، د امريکا حکومت د افغانستان د حکومت دغه څرګندونو ته نن غبرګون وښود.

افغانستان د امريکا د شل کلونو مرستو سره سره هېڅ ډول بنسټيزه وداني او ابادي نلري، شنونکي وايي امريکا په افغانستان د ميلياردونو ډالرو مرستې احسان هسې باروي په حقيقت کې امريکا دا پيسې د افغانانو په نامه د بېلابېلو لارو او نومونو لاندې پخپلو کې سره ووېشلې، ددې ادعا یو ملاتړ کوونکی دليل دا هم دی چې د امريکا ددې سترو مرستو د دعوې سره سره افغانستان په تېرو شلو کلونو کې هېڅ ډول داسې کومه ابادي نه ده ترلاسه کړې چې د هېواد د بنسټیزو اړتیاوو په پوره کولو کې په درد وخوري، د امريکا مرستې هم لکه د افغانستان د پوځ تر ډېره خيالي وې‌ او يا يوازې د کاغذ پر مخ پرتې وې او کومې چې واقعي وې نو هغه هم تر افغان ملت ونه رسیده او ټولې د امريکا د ملاتړو غلو، زورواکانو او مفسدينو ترمنځ ووېشل شوې، ښکاره مثال یې دادی چې د افغانستان د ميلياردونو ډالرو د مرستې د دعوو سره سره نن د افغانستان پايتخت هم پوره برېښنا نلري.

اوس بيا نوی حکومت هڅه کوي چې د افغانستان ګوډ مات اقتصاد په پښو ودروي، له همدې کبله د بېلابېلو هېوادونو سره په خبرو بوخت دي، تېره وياند ذبيح ا م وويل چې دوی د چين سره خبرې کړې دي او چين تيار دی چې په افغانستان کې په ميلياردونو ډالرو پانګونه وکړي، خو ددې لپاره د افغانستان د حکومت څخه غواړي چې ددوی د اتباعو او پروژو د خونديتوب ژمنه ورکړي، وياند زياته کړه چې دوی چین ته د امنیت په هکله ډاډ ورکړی دی، امريکا چې په افغانستان کې د چين د اغېز د زیاتېدو اندېښنه له وړاندې لري د افغان حکومت د وياند څرګندونې بې ځايه بللي دي او ويلي یې دي چې دوی په اوس وخت کې صرف د افغانستان سره د بشري مرستو په برخه کې مرسته کوي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More