ت البان امريکا ته ملګري ملتونه واسطه کوي

خبريال ويب پاڼه/ تراوسه پوري څو مياشتې اوړي چې ت البان پر افغانستان واکمن شوي او دوی د يوې رسمي حکومتولۍ دعوه کوي خو دوی نړۍ ته تر اوسه د منلو وړ نه دي او نه هم کوم هېواد تر اوسه په رسميت پيژندلې.
کله چې د افغانستان مخکنی حکومت ړنګ او ټول امریکايي سرتیري له افغانستان څخه ووتل او ت البان حاکم شول نو يو په يوه باندې ستونزې را پيل شوې، امريکا په لومړي اقدام سره ‌‌د افغانستان د مرکزي بانک ۹ ميليارده ډالر کنګل کړل چې تر اوسه لاهم همدا پروسه روانه ده، ت البانو په لومړيو کې پر دې کار باک نه کوی خو اوس دې ته مايل شوي چې د دې پيسو د خلاصون لپاره له امريکا سره مذاکره وکړي.
دوی ويلي چې دملګري ملتونو له ځانګړې استازې دبورا لاينز سره د بهرنيو چارو وزارت سرپرست امر خان متقي خبرې پر بشري مرستو او د افغانستان د بانکي سيستم د بيا فعالولو لپاره وې چې د م،م استازې ډاډ ورکړی چې امريکا ته په نژدې راتلونکي کې سفر لري چې په ترڅ کې به يې د افغانستان د بانکي سيستم د خلاصون لپاره هم هلې ځلې وکړي.
ديورا لاينز د افغانستان د بهرنیو چارو وزیر اميرخان متقي او يو شمېر نورو تا لب چارواکو سره د ليدنې په ترڅ کې د اوسني خرب بشري وضعيت او راتلونکي کې ټول شموله حکومت پر اړتيا بحث کړی ملګري ملتونو ويلي چې په دې هېواد کې خپلې بشري مرستې چټکوي خو زياته کړې يې ده چې د افغانستان د خراب اقتصادي وضعيت د کنټرول لپاره بايد ټول اړخونه لاس په کار شي.
افغانستان کې د خلکو او حکومت اقتصادي حالت د هلاکت پر حال دی دې هېواد کې بې کاري اوج ته رسېدلې او خلک يې خورا په چټکۍ سره د يوه لوی بهران لورته روان دي