تا، لبانو خپل دریځ اعلان کړ، ايران سخت خوابدی شو

خبريال وېبپاڼه: په دې ورځو کې د افغانستان په هکله کنفرانسونه او غونډې په زياتېدو دي، بېلابېل هېوادونه د افغانستان ددې ځوړند حالت څخه د اعظمي سياسي ګټې د پورته کولو لپاره هره لار څاري او خپله پوره هڅه ترسره کوي، د مسکو د غوندې د خلاصیدو څه وخت نه کېږي چې ايران اعلان وکړ دوي هم د افغانستان د روان وضعیت په هکله يوه غونډه جوړوي او په دې غونډه کې یې د افغانستان د نوي حکومت د استازو څخه هم دعوت وکړ.

تېره اونۍ چې د مسکو په غونډه کې د افغانستان د نوي حکومت استازو ګډون وکړ، د افغانستان د ريس الوزار دوهم مرستيال حنفي دغه غونډې ته ولاړ، دې غونډې ته د امريکا متحده ايالات هم دعوت شوي و مګر هغوي د تخنیکي ستونزو په بهانه په دې غونډه کې د ګډون څخه انکار وکړ‌.

مګر اوس چې د مسکو غونډې کومه ښکاره پايله ترلاسه نکړه نو په تهران کې د جوړېدونکې غونډې په هکله تا، لب مشرانو هم دلچسپي له لاسه ورکړه او نن یې اعلان وکړ چې دوی په تهران کې د افغانستان په هکله په جوړېدونکې غونډه کې‌ ګډون نکوي.

ايران په دې وروستيو کې دداسې يو پرلپسې ماتو سره مخ دی چې کله کله سړي فکر وکړي چې د خداي د قهر سره مخ شوی دی،د افغانستان په مسله کې ايران ترټولو بې لاسته راوړنې هېواد و، په پخواني حکومت کې موجود ټول جاسوسان، ځانته وفادار جنګ سالاران هرڅه یې له لاسه ورکړل، ددې ترڅنګ ګرجستان ورباندې خپله لار بنده کړه، اذربايجان ورباندې خپله لار بنده کړه د روسیې سره یې اړیکه پرې شوه هند او چین یې په بندرونو کې کښتنیو ته ځاي نه ورکوي، د افغانستان په مسله کې هم دوی مجبور دي له نوي حکومت سره د زړه څخه کار وکړي ځکه افغانستان ددوی لپاره يوازنی بازار دی چې هېڅ محدويت ورباندې نه دی وضع کړل شوی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More