عاجل خبر: اشرف غني د اماراتو څخه بل هېواد ته انتقال شو

خبريال وېبپاڼه: د افغانستان پخوانی ولسمشر محمد اشرف غني چې د کابل د سقوط وروسته یې متحده عربي اماراتو ته پناه وړې وه ددې هېواد څخه ایستل شوی دی.

د سياسي چارو شنونکي احمد سعيدي دعوه کړې ده چې دا داسې دقیق معلومات ترلاسه کړي دي چې ښيي د امريکا متحده ايالاتو اشرف غني او د هغه ځينې همکاران د اماراتو څخه ايستلي او امريکا ته یې وړي دي، ښاغلي سعیدي د اشرف غني د ایستلو د موخې په هکله ويلي دي چې اشرف او ځينې همکاران یې د ځانګړو تحقيقاتو لپاره امریکا ته وړل شوي دي، احمد سعيدي پخپله وينا کې زياته کړې ده چې دده د معلوماتو په بنسټ فضلي په دې ټيم کې شتون نلري هغه ځان مخکې سويډن ته رسولی دی.

د يادونې وړ ده چې تراوسه پورې په دې هکله هېڅ رسمی سرچينې کوم څه نه دی ويلي، ددې خبر په تړاو نږدې دا د یادونې وړ ده چې څه موده وړاندې د امريکا د کانګرس ځينې غړو د امريکا څخه غوښتنه کړې وه چې د افغانستان پخوانی ولسمشر محمد اشرف غني دې د هغه تورونو په تور چې ویل کېږي د افغانستان څخه یې د تښتېدلو په مهال د ځان سره ۱۶۹ ميليونه امريکايي ډالره د ځان سره وړي دي تر تحقیقاتو لاندې ونيول شي.

د کابل څخه د اشرف غني د تېښتې په مهال داسې خبرونه خپارل شول چې هغه د هېواد څخه ۱۶۹ میلیونه ډالر متحده عربي اماراتو ته تښتولي دي، د افغانستان نوي حکومت هم د اشرف غني په هکله دا خبره کړې وه چې د هېواد څخه د تېښتې په مهال یې د ځان سره پيسې وړې دي، د نوي حکومت ځینې چارواکو وئيلي و چې دا پيسې د افغانستان د ملت مال دی او پکار ده چې اشرف غني یې بېرته د افغانستان بانک ته وسپاري‌.

بيا هم یادونه کوو چې د افغانستان پخواني ولسمشر اشرف غني او د امریکا متحده ایالاتو حکومت تراوسه ددې خبر په هکله کوم غبرګون نه دی ښودلی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More