حشمت غني؛ تېر حکومت امریکا جوړ کړی و، امريکا بېرته ړنګ کړ

خبريال وېبپاڼه: د افغانستان د تښتېدلي پخواني ولسمشر محمد اشرف غني ورور حشمت غني په خپلو تازه څرګندونو کې ويلي دي چې امريکا د افغانستان نظام پخپله جوړ کړی و اوس يې پخپله بېرته ړنګ کړ. نوموړی زیاتوي چې د افغانستان د وروستيو بدلونونو په پايله کې دا ښکاره وه کې قدرت باید طا، لبانو ته انتقال شي، دی وايي ما د طا، لبانو سره پخپلو خبرو کې هغوی ته په ډېر واضح ډول وويل چې امنيتي سکتورونه دې دوی پخپله کنټرول کړي خو ددولت نورې برخې دې مسلکي کسانو ته وسپاري.

نوموړي د افغانستان د ګاونډیو هېوادونو په هکله څرګندونې کړې دی او ويلي دي چې د افغانستان نور ګاونډیان دا ظرفیت نلري چې د افغانستان سره د پام وړ مرسته وکړي خو ددې سره يې زياته کړې ده چې ايران دا وړتيا لري چې د افغانستان سره مرسته وکړي دی وړاندې وايي چې پرته د ايران له مرستې دا ګرانه ده چې په افغانستان کې دا حالات او شرايط ښه شي، ده مشخص ندي ويلي چې ايران بايد د افغانستان سره په کومه برخه کې مرسته وکړي.

حشمت غني په‌ خپلو خبرو کې د فساد په هکله هم څرګندونې کړي دي او ويلي يې دي چې په کابل کې فساد داسې شی نه و چې پخواني حکومت دې ټول کنټرول کړی وی، ځکه په کابل کې د بهرنيو هېوادونو سفارتونو خپلې مهرې او کسان په افغان حکومت تحميل کړي و او حکومت په داسې حال کې نه و دا چې خلک لرې کړي.

نوموړي همدارنګه ویلي دي چې ايران کولي شي په افغانستان کې د کانونو په برخه کې پانګونه وکړي او ددې ترڅنګ په افغانستان کې زراعتي ځمکې او اوبه شتون لري ايران کولی شي د یوه ګټور شراکت سره دلته پانګونه وکړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro