له ناندريو وروسته د امریکا د ملیارد ډالري بودیجې تائید

خبریال وېب پاڼه: د امریکا کانګریس د رایو په اکثریت د  دغه هېواد دفاعي بودیجه تایید کړه.

د امریکايي رسنیو د راپورونو یاده بودیجه ۷۶۸ میلیارد ډالره ده.

سرچینې وایي، چې دا بودیجه د تر اوږدو ناندریو وروسته د امریکا کانګرېس ومنله او د تائید رایه یې ورکړه.

امریکایي رسنۍ وایي، سره له دې چې د بودیجې د تصویب په اړه پراخې ناندرۍ روانې وې او وکیلانو خپلې غوښتنې او سپارښتنې لرلې، خو په ټوله کې دغه بودیجه د ۸۶ مثبتو رایو په اخیستو تایید شوې ده.

یاده بودیجه اوسمال د بایډن لاسلیک ته لېږدول شوې ده.

د رسنیو د مالوماتو له مخې په دې بودیجه کې د پوځ د وړتیاوو لوړول، د لګښتونو پوره کول، د پوځي تجهیزاتو پرمختیا، شفافیت رامنځ ته کول او د پوځ منظمول شامل دي.

امریکا د نړۍ له هغو هېوادونو څخه دی، چې تر ټولو لوړه دفاعي بودیجه لري او په کانګریس کې وخت ناوخت د یادې بودیجې پر سر ناندرۍ روانې وي.

سږنۍ بودیجه یې بیا د تېرو کلونو په پرتله له ډېرو ناندریو سره مخ وه.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More