ننګرهار کې د تالبانو له لوري د اغزن سیم ټولولو پر پاکستان اور بل کړی

خبریال وېب پاڼه: ‏د پاکستان د مشرانو جرګې مشر رضا رباني د بهرنيو چارو وزير شاه‌ محمود قریشي څخه غوښتي، چې د ت‌البانو له‌ لوري د اغزن سیم د لرې کولو په اړه پارلمان ته معلومات ورکړي.

رباني د پوښتنې په توګه ویلي کله، چې تالبان د ډیورنډ فرضي کرښه پر رسمیت نه مني؛ نو دوی یې ولې بیا ملاتړ وکړي؟

د یادونې ده، چې څو ورځې وړاندې افغان‌ تالبانو پر ډیورنډ جبري کرښه د پاکستاني پوځ تحرکاتو مخنیوی وکړ او له دوی یې اغزن سیم ټول او له ځان سره یوړ.

تالبانو هغه مهال د اغزن سیم له ټولو وروسته پاکستاني پوځیانو ته ګواښ وکړ، چې که یې بیا دا ډول حرکت وکړ نو د تالبانو له سخت غبرګون سره به مخ شي.

له یوه لوري پر پاکستان د اغزن سیم د ټولولو له امله اور بل دی، بل لورته د پاکستان جمعیت علما اسلام ګوند مشر، مولانا فضل الر‌حمن وایي، چې دوی د تالبانو له حکومت څخه خپل سیاسي ملاتړ پراخوي.

هغه دا خبره د افغانستان لوړو زده‌کړو وزیر سره د لیدنې پرمهال کړې او خوښي یې څرګنده کړې، چې تالبان د اصولو پر بنسټ مبارزې بریالي کړي دي.

فضل الرحمن یو له هغو څېرو څخه ده چې تل یې د افغان خاورې پر ضد تبلیغات او څرګندونې کړې دی.

افغان ولس هم د هغه دا ډول څرګندونې شیطاني بولي او له تالبانو غواړي چې پرې باور ونکړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More