پر کونړ پاکستاني توغندي دوام لري/ تالبان مشران لاهم غلي

پر کونړ پاکستاني توغندي دوام لري/ تالبان مشران لاهم غلي

خبریال وېب پاڼه:  ځایي اوسېدونکي وایي، په تېرو ۲۴ ساعتونو کې پر کونړ شاوخوا دوه سوه توغندي راتوغول شوي.

ځایي خلک وایي دا توغندي د کونړ پر شولتن ولسوالی توغول شوي دي.

د ځایي خلکو په خبره تر اوسه په راغلو توغندیو کې دری تنه ملکي وګړي ژوبل شوي دي.

دوی زیاتوي دغه راز په راغلو توغندیو کې د عامو خلکو په زیات شمېر څاروي هم له منځه تللي دي.

بل لورته روغتیایي چارواکي بیا د ژوبلو کسانو حالت ښه ښيي.

ويل کيږي سلګونه تالبان هم شولتن ولسوالۍ چواګام سيمې ته، چې لومړۍ او صفري کرښه ده تيره شپه رسیدلي او د تيارسۍ په حال کې دي.

تالبانو ته داسې مهال د تیارسی امر شوی، چې پاکستان لا هم کونړ کې د ډیورنډ جبري کرښې ته نژدې ولسوالیو باندې توپونه راولي او خلک وایي وخت ناوخته یې الوتکې هم په دې پلو کې ګرځي.

کونړ مېشتي وایي، جمهوریت خو به د توپونو حساب نیولی و، خو اوس چوپه چوپتیا ده او تالبان غلي دي.

خو په ټولنیزو رسنیو کې نن یوه ویډیو خپره شوې، چې یو تالب پکې ادعا کوي، چې د توپ مرمۍ د پاکستان اړخ ته ولي.

 ولس د تالب مشرانو سخت ځواب ته په تمه دی خو بل لورته تالب مشرانو لا غبرګون نه دی ښودلی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro