تالبان: د تير حکومت کسان بیا واک ته راوستل امکان نلري

خبريال ويب پاڼه/ نړۍ پر دې ټينګار کوي چې تالبان باید په افغانستان کې ټولګډونه حکومت جوړ کړي او پر خپلو ژمنو باندې و دریږي.
خو تالبانو نن د خبرې ځواب ورکړ او په دې هکله يې سخت غبرګون وښود.
د تالبانو له لوري د نړۍ وړانديز ته د رد ځواب وويل شو. د دې ډلې عمومي وياند ذ بي ح الله مجاهد وويل د ټولګډونه حکومت په تعريف کې ستونزه ده.
د تالبانو برداشت د نړي وړانديز څخه داسې دی چې دوی وايي نړۍ بيرته هغه تکراري څېرې راوستل غواړي.
مجاهد وويل د نړي د ټولګډونه حکومت د رامنځته کولو منظور داده هغه کسان چې دلته شل کاله واکمن وو، بیرته واک ته راولو، خو د افغانستان خلک هغوی نه غواړي او موږ دا مهمه ده.
تالبانو د افغانستان د ټولو قومونو د ګډون خبره کې وويل چې اوس مهال زموږ په کابينه کې د افغانستان د ټولو قومونو ګډون شته او له هره قومه چارواکي لرو.
په دې باب د ناروې لومړي وزير وويل مخکې له دې چې د تالب ډلې اړيکې او نور څه له نړۍ سره ورغول شي دوی باید په خپل حکومت کې پراخ سياسي ګډون رامنځته کړي چې تالبان په دې هکله وايي زموږ سره د افغانستان له هر قومه مسولين شته.
د ناروې اسلو غونډه له تالبانو څخه وغوښتل شول چې لومړی بايد ټول ګډونه حکومت رامنځ ته کړي او له هغه وروسته دي د ښځو او بشري حقونو په برخه رعايت وکړي تر څو د نړۍ د باور وړ وګرځي.
داسې ویل کیږي چې کله تالبان پر افغانستان واکمنيدل نو امريکا ورته د تير حکومت د يو شمير کسانو نوملړ ورکړی وو، چې بايد د دوی کابينه کې شامل شي خو هغه مهال هم تالبانو هغوی په فساد تورن کړل او زياته يې کړه خپل حکومت په دوی نه بدنام کوي