fbpx

افغانستان کې وروستیو سیلابونو نهه زره کورنۍ زیانمنې کړي

د افغانستان په پنځو ولایتونو کې څو ورځې وړاندې د څو ورځو مسلسل اورښتونو له امله ګڼ شمېر سیلابونه رواتلي و چې له امله یې ګڼ شمېر کورونه ویجاړ او له منځه تللي دي ویل کېږي چې د سیلابونو له امله په لسګونه کسانو ژوند هم په دې سیمو کې بایللی و.

تازه په تازه د ملګرو ملتونو د بشري مرستو د همغږي اداره یا اوچا وایي د افغان حکومت، ملګرو ملتونو او غیر حکومتي ادارو یو ګډ ټیم تر اوسه په کندهار، هلند او فراه ولایتونو کې ۸۹۹۵ سیلاب ځپلې کورنۍ ثبت کړې دي.

دا اداره وایې چې د امنیتي اندیښنو له امله ګډ ټيم د کندهار په نهو ولسوالیو او د فراه له ښاره بهر د سیلابونو له امله کورنیو ته د رسیدلي زیان پلټنه لا نه ده بشپړه کړې، چې ورسره د دې امکان شته، چې په دغو ولایتونو کې د سیلاب ځپلو کورنیو شمیر له دې زیات وي.

په ورته وخت کې په فراه، کندهار، هلمند، زابل او هرات ولایتونو کې د سېلابونو په راوتلو سره د افغاني سرې میاشتې ټولنه وايي، اړمنو کسانو ته د مرستو لومړنۍ لړۍ ویشل شوې له دې وروسته باید ورسره د سرپنا او نورې اړینې مرستې هم وشي.

د ملګرو ملتونو د بشري مرستو د همغږۍ دفتر په جنوبي او لودیځو ولایتونو کې د سیلابونو په اړه بیا وایې چې په وروستیو سیلابونو د افغانستان په جنوب کې اته زره نهه سوه او پنځه نوي کورنۍ زیانمنې کړې دي چې بېړنیو بشري مرستو ته سخته اړتیا لري.

د یادونې وړده سږ کال د ژمي پر مهال دا لومړی ځل دی چې زیات سیلابونه په افغانستان کې راوتلي او ګڼ شمېر کورونه یې ړنګ او هېوادوال یې له منځه وړي دي.