fbpx

پرویز مشرف د ناروغي له کبله روغتون ته وړل شوی

 

د پاکستان پخوانی پوځي مشر او د وخت لومړی وزیر جنرال پرویز مشرف د ورپیښي شوې ناروغي له کبله په عاجله توګه روغتون ته وړل شوی او  تر درملنې لاندې دی.

د پرویز  مشرف اړوند ال پاکستان مسلم لیګ ګوند چارواکي وايي چې نوموړی دوبۍ ښار کې یوه سیمه ییز روغتون ته وړل شوی او تمه ده چې ډېر ژربه يې بیرته خارج کړي.

ویل کیږی چې مشرف په یوه داسې ناروغي مبتلا شوی چې له امله يې د نوموړي عصبي سیسټم کمزروی شوی او په ښه توګه فعالیت نکوي ځکه یوځل وړاندې بریتانیا کې هم ډاکټرته تللی او تر درملنې لاندې وو.

د پا کستان دا پوځي مشر خپلې ناروغۍ ته اندېښمن ښکاري او د پاکستان له ټول ملت څخه يې  غوښتي چې دده د ښې روغتیا لپاره دوعا وکړي.

جنرال پرویزمشرف د پاکستان له پېژندل شویو سیاسي او نظامي څېرو څخه دی نوموړي د پاکستان څلورم پوځي مشر وو چې د یوې کودتا په ترڅ  کې د پاکستان لومړی وزیر او د پوځ مشر شو.

مشرف په ۱۹۹۹ میلادي کال کې نوازشریف د پوځي کودتا په ترڅ کې له واکه لیري او خپله يې د واک واګې په لاس کې واخیستلې له هغه وروسته يې په ۲۰۰۱میلادي کال کې د یوې ولسي ټولپوښتنې وروسته په منتخب شکل سره ځان ددې هېواد ولسمشر اعلان کړ، له هغه وروسته د ۲۰۰۸ میلادي کال کې د داخلي سیاسي فشارونو او د پارلمان له لوري له استیضاح وروسته يې د جمهوري ریاست له چوکۍ څخه استعفا وکړه.

پرویز مشرف د پاکستان تر پیدایښت مخکې ډهلي ته نژدې په یوه سیمه کې په ۱۹۴۳ میلادي کال نړۍ ته سترګې غړولې او په داسې حال کې چې پاکستان هېواد اعلان شو، نوموړي د خپلې سیمې څخه د پاکستان کراچي راغلی او هلته میشت شو.

Loading...