ظریفې غفاري پر تالبانو د بنديزونو غوښتنه کړي

خبریال وېب پاڼه/ خبريال ويب پاڼې ته هغه اسنادونه په لاس ورغلي دي، چې پکې د ښځو د حقونو فعالې ظریفه غفاري له نړیوالې ټولنې څخه غوښتي چې پر تالبانو د بندېزونو ولګوي. ظریفې غفارې د بندېزونو غوښتنه په یوه لیک کې کړې ده په ياد لیک کې یې لیکلي دي، چې د هغو میلیونونو افغان انجونو او ښځو په استازولۍ غوښتنه کوي، چې خپل ژوند په تیارو او بدبختیو کې تېروي.

اغلې غفاري د افغان انجونو ښوونځیو تړل کېدو ته په اشاره لیکلي دي، د یوې میاشت راهیسې د افغان انجونو منځنيو او لوړو ټولګیو زده کړې د تالبانو له لوري درول شوي دي او افغان انجونې هره شپه په دې هېله ویده کېږي، چې سهار به ښوونځیو ته ولاړې شي خو هر سهار د مایوسۍ اوښکې تویوي.

په وروستیو کې ملګرو ملتونو، اروپایي ټولنې او ځینو نورو نړیوالو ټولنو له لوري په افغانستان کې د انجونو زده کړو په وړاندې د تالبانو دریځ وغندل شو.

اغلې غفاري همدغو غندنو ته په اشاره لیکلي دي، چې نور د اعلامیو خپرولو وخت تېر دی او له دې وروسته باید د تالبانو په وړاندې عملي قدمونه واخیستل شي، هغې له نړیوالې ټولنې غوښتي چې پر تالب مشرانو د بهرنیو سفرونو بندیز ولګوي او ګاونډیو هېوادونو کې یې شتمني کنګل کړي، تر څو پر تالبانو سیاسي فشار راشي او د ښځو زده کړو پر وړاندې له بندیزونو لاس واخلي.

ظریفه غفاري یوه له هغو افغانانو څخه ده، چې د اګست میاشت کې د تحولاتو وروسته د امریکا تحلیې پروګرام کې له افغانستان ګډواله شوه او بېرته په فبرورۍ میاشت کې په دې نیت افغانستان ته ستنه شوې ده، چې د افغانانو او خاص ډول د افغان ښځو تر څنګ و درېږي.

له هغه وروسته په نړيواله کچه پر تالبانو نیوکي زياتي شوي چې هغوی له شپږم ټولګي پورته ښوونځیو ته د ورتګ اجازه ورنه کړه شوه.
د تالبانو یاده کړنه هم د افغانستان په داخل او له هیواد بهر نړيوالو سخت غبرګونو را وپارول.

نړيوال بانګ د تالبانو د یادې کړنې په غبرګون په افغانستان کې د څه باندي ۶۰۰ ميلیونو په ارزښت خپلي دری لویی پروژې ودرولي.

هيره دې نه وي چې افغانستان کې د مدني فعالانو.په ګډون دیني عالمانو هم د تالبانو ياده کړنه د تالبانو خپله شخصي تګ لاره وبلله او هغوی د یوه پریکړه لیک په خپرولو سره له تالبانو په جدي ډول وغوښتل چې د انجونو پر مخ ښوونځي بیرته پرانیزي.
په کابل کې دیني عالمانو د تالبانو مشر ملا هیبت الله اخوند ته په يوه استول شوي لیک کې ویلي چې ښځینه په اسلام کې د تعلیم او کار کولو مسلم حق لري.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro