احمد تقي: زما خبرې غلطې تعبیر شوي؛ نجونې ازادې دي چې کانکور کې د خپلې خوښې پوهنځی وټاکي

د طالبانو د لوړو زده کړو وزارت ویاند مولوي احمد تقي وایي راتلونکي کانکور کې د نجونو لپاره د پوهنځیو د انتخاب په اړه زما تېرې خبرې غلطې تعبیر شوي.

هغه په غږیز پیغام کې ویلي، هغه راپورونه ناسم دي چې د کانکور ازموینه کې به نجونې یوازې د محدودو پوهنځیو د انتخاب حق ولرﺉ، وایي نجونې ازانې دي چې په خپله خوښه پوهنځی وټاکي.

تر دې وړاندې داسې راپورونه ورکول کېدل چې ګواکې طالبانو د نجونو لپاره د کانکور ازموینه کې د پوهنځیو انتخاب محدود کړی او یوازې د طالبانو په خوښه به پوهنځی انتخابوي.

د نجونو د زده کړو په اړه د طالبانو ناسم دریځ له امله نجونې هم اندېښمنې دي او انګیري چې هسې نه طالبان په رښتیا هم دوی ته پوهنځي محدود کړي او وبه نه شي کولی د خپلې خوښې پوهنځي ته لار پیدا کوي.

په ورته مهال نن په ټول هېواد کې د کانکور ازموینې لپاره د زده کوونکو بایومټرېک پروسه پیل شوه چې ترې ورځې به دوام وکړي او له هغې وروسته به د کاحکور هزموینې اخیستل پیل شي.

د طالبانو د لوړو زده کړو وزارت زو ورځې وړاندې ویلي چې سږ کال به دولتي او لوړو او نیمه لوړو زده کړو مؤسساتو ته ۱۱۵ زره نوي زده کړیالان جذبوو.